ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چاک خوێندنه‌وه‌ى قوڕئان و له‌به‌ر کردنى و تێوه‌ڕامانى و تێگه‌یشتنى
نوسینى/م.عه‌لى باپیر
ئاماده‌کردنى/سانا حمدامین
سێیه‌مین ئه‌رکى سه‌رشانمان به‌رانبه‌ر به قورئان ئه‌وه‌یه که چاکى بخوێنینه‌وه پاشان له‌به‌رى بکه‌ین, وه تێیه‌وه ڕابمێنین و تێیبگه‌ینو باش لێى حاڵى بین بۆچى؟ چونکه ئه‌و ئامانجه گشتى و سه‌ره‌کییه‌ى قورئان بۆى نێردراوه‌ته خوار ئه‌وه‌یه که لێى تێبگه‌ین و کارى پێبکه‌ین وه‌ک خوا فه‌رموى: (كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آَيَاتِهِ وَلِيَتَذَكَّرَ أُولُو الْأَلْبَابِ)ص (كتب أنزلنه إليك مبرك) واته ئه‌مه کتێبێکه بۆلاى تۆمان ناردوه به پێزه به‌ره‌که‌تداره به‌رهه‌مداره بۆ ئه‌وه‌ى له ئایه‌ته‌کانییه‌وه ڕامێنن,
وه بۆ ئه‌وه‌ى خاوه‌ن عه‌قڵان په‌ندى لێوه‌ربگرن واته کارى پێبکه‌ین و لێى به‌هره‌مه‌ند بن دیاریشه که ئێمه کاتێک ده‌توانین له قورئان وردبینه‌وه و تێ ڕابمێنین وه پاشان لێى به‌هره‌مه‌ند بین و په‌ندى لێوه‌ربگرین که به‌شێوه‌یه‌کى ڕاست و دروست بیخوێنینه‌وه و پاشان هه‌وڵ بده‌ین له‌به‌رى بکه‌ین دواى ئه‌وه ده‌ستمان له تێوه‌ڕامان و تێگه‌یشتنى و وه پاشان به‌هره لێوه‌رگرتنى گیر ده‌بێ.