ماڵپەری قورئانی پیرۆز

نوسینى/صلاح عبدالفتاح
ئاماده‌کردنى/سانا حمدامین
قورئان ده‌فه‌رموێت: (يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ (278) فَإِنْ ڵمْ تَفْعَلُوا فَأْژَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَڵکُمْ رُوُوسُ أَمْوَالِکُمْ ڵا تَڤْلِمُونَ وَڵا تُڤْڵمُونَ)البقره‌/٢٧٨-٢٧٩ ئه‌ى ئه‌وانه‌ى بڕواتان هێناوه‌ له‌خوا بترسن و ده‌ستبه‌ردارى ئه‌و سووه‌ ببن که‌ به‌حسابى خۆتان ماوتانه‌ له‌سه‌ر خه‌ڵکى ئه‌گه‌ر وانه‌که‌ن ئه‌وه‌ بانگه‌وازى جه‌نگ بکه‌ن له‌گه‌ڵ خواو پێغه‌مبه‌ردا صلى الله علیه‌ وسلم ڕاگه‌یاندنى جه‌نگ به‌رامبه‌ر سووخۆران ڕه‌نگه‌ له‌و ڕۆژگاره‌وه‌ له‌م سه‌رده‌مه‌ى ئێستاشدا لاى زۆر که‌س ڕوون نه‌بێت یان ڕه‌نگه‌ قه‌ناعه‌تیان پێى نه‌بێت به‌هۆى ئه‌و بیروبۆچوونه‌ سه‌قه‌ته‌ى سه‌رمایه‌دارییه‌وه‌ که‌ ئابوورى بێ سووخۆرى له‌سه‌ر پێى خۆى ناوه‌ستێت.

ئه‌م ئایه‌ته‌ به‌ته‌نها به‌لگه‌یه‌کى گه‌وره‌یه‌ له‌سه‌ر ئه‌وه‌یه‌ که‌ ئه‌م په‌یامه‌ په‌یامێکى ئاسمانییه‌ که‌ ئه‌م په‌یامه‌ دوور ده‌ڕوانێت و له‌خوایه‌که‌وه‌یه‌ ڕابردوو ئێستاو داهاتوو به‌لایه‌وه‌ وه‌ک یه‌که‌. خواى گه‌وره‌ى باڵاده‌ست به‌زانیارى بێپایانى زانیویه‌تى که‌ دنیا چۆن به‌ده‌ست سووه‌وه‌ گیر ده‌خوات بۆیه‌ ئاوا به‌گرنگ گرتوویه‌تى و جڵه‌وگیرى لێ ده‌کات هه‌رکه‌س له‌مه‌وبه‌ر هه‌رچى ته‌سه‌ور کردبێت به‌هه‌رحاڵ به‌ڵام له‌م چه‌ند ساڵه‌ى ڕابردوودا ئاشکرا ده‌رکه‌وت نیزامى سووخواردن چۆن ئیفلاسى به‌سه‌دان بانکى گه‌وره‌ى جیهانى کردو چ کاره‌ساتێکى گه‌وره‌ى هێنا به‌سه‌ر ئابوورى جیهاندا.