ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
له‌به‌رکردنى قورئان
نوسینى/م.عه‌لى باپیر
ئاماده‌کردنى/سانا حمدامین
سه‌باره‌ت به‌له‌به‌رکردنى قورئانیش خوا سبحانه وتعالى له سوره‌تى العنکبوت دا ده‌فه‌رموێ (وَمَا كُنْتَ تَتْلُو مِنْ قَبْلِهِ مِنْ كِتَابٍ وَلَا تَخُطُّهُ بِيَمِينِكَ إِذًا لَارْتَابَ الْمُبْطِلُونَ (48) بَلْ هُوَ آَێاتٌ بَیِّنَاتٌ فِی صُدُوڕ الَّژِینَ أُوتُوا الْعِلْمَ وَمَا ێجْحَدُ بِآَێاتِنَا إِلَّا الڤَّالِمُونَ)خوا به پێغه‌مبه‌ر صلى الله علیه وسلم ده‌فه‌رموێ تۆ له‌پێش قورئاندا کتێبێکت نه‌خوێندۆته‌وه وه به ده‌ستى ڕاستت نه‌تنوسیوه واته: ئه‌ى محمد تۆ پێشتر نه‌خوێندنه‌وه‌ت هه‌بوه نه نووسینیت هه‌بووه(إِذًا لَارْتَابَ الْمُبْطِلُونَ) چونکه ئه‌گه‌ر خوێندنه‌وه‌و نوسینت هه‌بوایه ئه‌وانه‌ى له‌سه‌ر ناهه‌قن بۆیان هه‌بوو بکه‌ونه گومانه‌وه وه بڵێن ڕه‌نگه بۆخۆى قورئانى دانابێ به‌ڵام که نه‌خوێندنه‌وه‌ت هه‌بووه نه نووسین ماناى وایه زاتێکى دیکه فێرى تۆى کردوه (بَلْ هُوَ آَيَاتٌ بَيِّنَاتٌ فِي صُدُوڕ الَّذِينَ أُوتُوا الْعِلْمَ وَمَا يَجْحَدُ بِآَيَاتِنَا إِلَّا الظَّالِمُونَ) به‌ڵکو ئه‌م قورئانه چه‌ند ئایه‌تێکى ڕۆشن له سینه‌ى ئه‌وانه‌دا که زانیارییان پێدراوه وه بێجگه له‌سته‌مکاران هیچ که‌س نکوڵیى له ئایه‌ته‌کانى ئێمه ناکات
مه‌به‌ستم لێره‌دا ئه‌م ڕسته‌یه (بَلْ هُوَ آَيَاتٌ بَيِّنَاتٌ فِي صُدُوڕ الَّذِينَ أُوتُوا الْعِلْمَ وَمَا يَجْحَدُ بِآَيَاتِنَا إِلَّا الظَّالِمُونَ) که خوا مه‌دحى ئه‌وانه ده‌کا ئایه‌ته‌کانى خوا ده‌خه‌نه سینه‌ى خۆیانه‌وه و له‌به‌ریان ده‌که‌ن هه‌ڵبه‌ته ئه‌و قورئانش که‌له‌به‌رى ده‌کرێ زۆر جیایه له‌وه‌ى که هه‌روا ده‌خوێندرێته‌وه چونکه که له‌به‌ر ده‌کرێ زیاتر ته‌فاعولى له‌گه‌ڵ ده‌که‌ى وه مه‌جالت ده‌بێ لێى وردبیه‌وه چونکه هه‌موو ده‌مێ قورئانت له‌به‌ر ده‌ست دانیه, ئینجا هه‌ر خودى له‌به‌رکردنى قورئان بۆ خۆى رووناکیى به‌ره‌که‌تێکه ده‌چێته سینه‌ته‌وه و به‌ئه‌ندامه‌کانتدا دابه‌ش ده‌بێ بۆیه له‌به‌رکردنى قورئان نیعمه‌تێکى زۆر گه‌وره‌یه وه‌ک له فه‌رمایشتێکى پێغه‌مبه‌ر صلى الله علیه وسلم دا هاتوه که خوا سبحانه وتعالى به پێغه‌مبه‌ر ده‌فه‌رموێ (انى مبتليك, ومبتل بك, ومتزل عليك كتابا لا يغسله الماء تقراه نائما ويقطانا) رواه مسلم واته من تۆ تاقى ده‌که‌مه‌وه وه به‌تۆش خه‌ڵک تاقى ده‌که‌مه‌وه وه‌کتێبێکت ده‌نێرمه سه‌رێ و بۆ ده‌نێرمه خوار که ئاو نایشواته‌وه به‌خه‌وتوویى و به‌بێداریى ده‌یخوێنى که‌واته له‌سینه‌ى دایه.