ماڵپەری قورئانی پیرۆز

مه‌لا دلشاد باڵه‌کى
واتا ڕۆژى جێهێشتنى دونیا و کۆتایی هاتن به‌ هه‌موو حه‌زوو ئاره‌زووه‌کانى و ڕۆیشتن به‌ ره‌و ماڵى ڕاسته‌قینه‌ که‌ ماڵى هه‌موو مرۆڤێکه‌ وجێگاى هه‌تا هه‌تاییه‌.
(كَلَّا إِذَا بَلَغَتْ التَّرَاقِيَ )[القيامة : 26]
نه‌خێر ئه‌و خه‌ڵکه‌ هه‌روا ژیانیان به‌رده‌وام نابێت به‌ڵکو کاتێک دێت که‌ ڕۆحی یه‌ک به‌یه‌کیان ده‌گاته‌ گه‌رووی.
 {وقِيلَ مَنْ رَاقٍ}  [القيامة : 27]
ئه‌وسا ده‌وترێت، کێ فریاد ڕه‌سیه‌تی؟
{ وَظَنَّ أَنَّهُ الْفِرَاقُ  }[القيامة : 28]

به‌ڵام له‌و کاته‌دا، ئه‌و که‌سه‌ی له‌سه‌ره‌ مه‌رگدایه‌ دڵنیابه‌ که‌ ئیتر هیچ شتێک فریای ناکه‌وێت و کاتی ماڵئاواییه‌.

{وَالْتَفَّتِ السَّاقُ بِالسَّاقِ} [القيامة : 29]
ئیتر قاچ و لوولاق به‌یه‌کدا ده‌ئاڵێن.
{إِلَى رَبِّكَ يَوْمَئِذٍ الْمَسَاقُ }[القيامة : 30]
 ئه‌وساو له‌و ڕۆژه‌دا بۆ لای په‌روه‌ردگارت ڕاپێچ ده‌کرێیت و ده‌برێیت.