ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
بیربکه‌ره‌وه سوپاسگوزار به
نوسینى/د.عائض القرنى
ئاماده‌کردنى/سانا حمدامین
بیر له نیعمه‌ته‌کانى خوا بکه‌ره‌وه به سه‌رته‌وه, ده‌بینى دایپۆشیویت هه‌ر له‌سه‌ره‌تاوه تا پێت (وان تعدوا نعمت الله لا تحصوها)ته‌ندروستى له لاشه‌دا خواردن و خواردنه‌وه هه‌واى پاک و بێگه‌رد هه‌موو ژیانت به‌ده‌سته و به‌ڵام هه‌ستى پێ ناکه‌ى (واسبغ عليكم نعمه ظهرة وباطنة)دوو چاوت هه‌یه, زمان و دوو لێوت هه‌یه دوو ده‌ست و دوو قاچت هه‌یه (فبأى ءالاء ربكما تكذبان)ئایاڕۆیشتنت له‌سه‌ر دوو پێ به‌لاوه شتێکى ئاساییه؟ ئاساییه به‌لاته‌وه چاوه‌کانت پڕده‌که‌یت له خه‌و؟ ئاساییه که ده‌مت پڕ ده‌که‌ى له خواردن؟ گه‌ر ده‌ته‌وێ قه‌درى ئه‌م نیعمه‌تانه بزانى بێهێنه پێش چاوت وه وا بزانه که گوێچکه‌ت تازه چاکبۆته‌وه له که‌ڕى چاوت تازه چاکبۆته‌وه له کوێرى پێستت تازه چاکبۆته‌وه له گه‌رى, ژیریت تازه چاکبۆته‌وه له شێتى.....
ئایا گوێچکه‌یه‌کت به کێوێک ئاڵتوون؟ ئایا گوێچکه‌یه‌کت به کێوێک ئاڵتون ده‌ده‌یت؟ ئایا ئاماده‌ى زمانت ببه‌خشى و ڵاڵ بیت له پاداشتدا کۆشکى زه‌هرا و پادشاکان وه‌رگرى؟ ئێمه له نیعمه‌تانێکى زۆردا ده‌ژین به‌ڵام نازانین..که‌سانێک هه‌ن له خه‌م و خه‌فه‌ت و ناسۆرى و دڵته‌نگیدا ده‌ژین له کاتێکدا خۆراک و خه‌و لاشه‌ى ته‌ندروستیان هه‌یه, بیرله نه‌بوو ده‌که‌نه‌وه به‌ڵام ئه‌وه‌ى به‌رده‌ستیان بیرچۆته‌وه به زیانێکى ماددى ژیانیان لێ ده‌شێوێ له کاتێکدا کلیلى به‌خته‌وه‌رى به‌ده‌ستیانه‌وه‌یه دنیایه‌ک له ئه‌زمون و لێهاتوویى پێ به‌خشراوه ! بیربکه‌ره‌وه و سوپاسگوزار به (وفى انفسكم افلا تبصرون)بیر له خودى خۆت بکه‌ره‌وه...بیر له که‌سوکارو خانه‌واده و کار و ته‌ندروستیت بکه‌ره‌وه, بیر له هاورێکانت و ژیانى ده‌وروبه‌رت بکه‌ره‌وه و سوپاسگوزار به.