ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌ده‌ب و ئاکارى موسڵمان له‌گه‌ڵ پێغه‌مبه‌رى خوادا صلى الله علیه وسلم
وه‌رگێڕانى/نه‌ووا محمد
ئاماده‌کردنى/سانا حمدامین
دیاره موسڵمانى پابه‌ند به‌دینى خواو ژیرو له خواترس هه‌ست به‌و پایه‌و ڕێزه‌ى پێغه‌مبه‌ر ده‌کات که له‌لایه‌ن خواى گه‌وره‌وه لێى نراوه. هه‌ست ده‌کات پێغه‌مبه‌رێکه هه‌ر له سه‌ره‌تاى ژیانى تا کۆتا ژیانى خاوه‌نى ڕه‌وشت به‌رزى و قوربانیدان بووه هه‌رده‌م به‌خه‌مى ئوممه‌ته‌که‌یه‌وه بووه که خواى به‌خشنده له ئوممه‌ته‌که‌ى خۆش ببێ و چاوپۆشى له گوناهه‌کانیان بکات جا پێغه‌مبه‌رێک خواى خاوه‌ن شکۆ ده‌رباره‌ى بفه‌رموێ (وَإِنَّكَ لَعَلى خُلُقٍ عَظِيمٍ)القلم/٤ به‌راستى تۆ ئاکارو ره‌وشت زۆر به‌رزه. ئه‌مه گه‌وره‌ترین بڕوانامه‌و مه‌دالیایه بۆ پێغه‌مبه‌ر صلى الله علیه وسلم پێویسته رێزى لێ بگیرێ و ئه‌ده‌بى له به‌رانبه‌ردا بنوێنرێ.
رێزگرتن و ئه‌ده‌ب نواندنیش فه‌رمانێکى خوایه که ده‌بێ گشت بڕوادارێک پیاده‌ى بکات و پێغه‌مبه‌رى له‌لا خۆشه‌ویست بێت ئه‌وپه‌ڕى خۆشه‌ویستى هه‌روا ده‌نگى به‌سه‌ردا به‌رزنه‌کرێته‌وه وه‌ک خوا (جل جلاله) ده‌فه‌رموێ (يَا أَيُّهَا الَّذِينَ آَمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْڕ بَعْضِكُمْ لِبَعْضٍ أَنْ تَحْبَطَ أَعْمَالُكُمْ وَأَنْتُمْ لَا تَشْعُرُونَ)الحجرات/٢ ئه‌ى گه‌لى خاوه‌ن باوه‌ران ! ناشێ ده‌نگتان سه‌ر ده‌نگى پێغه‌مبه‌ر که‌وێ ده‌نگیش هێنده به‌رزمه‌که‌ن وه‌ک له‌گه‌ڵ یه‌کتردا قسه ده‌که‌ن که کارتان لێ پوچه‌ڵ ببێ و خۆتان به خۆتان نه‌زانن.