ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
به‌هره وه‌رگرتن له پێشینى چاکمان
نوسینى/م.عه‌لى باپیر
ئاماده‌کردنى/سانا حمدامین
به‌ڵێ بۆ لێ تێگه‌یشتنى قورئان هۆکارێکى دیکه بریتیه له به‌هره وه‌رگرتن له پێشینى چاکمان, خوا ده‌فه‌رموێ (فَاسْأَلُوا أَهْلَ الذِّكْڕ إِنْ كُنْتُمْ لَا تَعْلَمُونَ)النحل/٤٣ واته: له زانایان بپرسن ئه‌گه‌ر نازانن زانایانى پێش ئێمه چ توێژه‌ره‌وانى قورئان چ فه‌رموده ناسان, چ شه‌رعزانان, ده‌بێ ته‌ماشا بکه‌ین چۆن له قورئان تێگه‌یشتوون! له لێ تێگه‌یشتنى ئه‌وان بۆ چوونه‌کانى ئه‌وان و ئیجتیهاده‌کانى ئه‌وان, نه‌که‌ینه دین, چونکه هه‌موو ئه‌وه‌ى ئه‌وان به‌رهه‌میان هێناوه تێگه‌یشتنى ئه‌وانه له‌باره‌ى قورئان و ئاینه‌وه نه‌ک خودى قورئان و دین دیاره هه‌ر کاتێ وه‌کو دینیش مامه‌ڵه‌مان له‌گه‌ڵ تێگه‌یشتنه‌کان له دین دا کرد, دینمان زۆر ده‌بن به‌ڵام ئه‌گه‌ر گوتمان ئه‌وه تێگه‌یشتنى ئه‌وانه ده‌رباره‌ى ئه‌و ئایه‌ته ئه‌و فه‌رمایشته‌ى پێغه‌مبه‌ر صلى الله علیه وسلم ئه‌و کاته دین هه‌ر یه‌ک دینه,
به‌ڵام به تێگه‌یشتنى جۆراو جۆره‌وه ئینجا به ته‌ئکید ئه‌وان بۆ سه‌رده‌مى خۆیان ته‌ماشاى قورئانیان کردوه و ئێمه‌ش پێویسته بۆ سه‌رده‌مى خۆمان دووباره ته‌ماشاى قورئانیان کردوه و ئێمه‌ش پێویسته بۆ سه‌رده‌مى خۆمان دووباره ته‌ماشاى بکه‌ینه‌وه و نابێ عه‌قڵى خۆمان دابخه‌ین بۆیه‌ش خوا ده‌فه‌رموێ (لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ)النحل/٤٤ که‌واته: ڕوونکردنه‌وه‌ى پێغه‌مبه‌ر صلى الله علیه وسلم به‌دیل نیه بۆ بیرکردنه‌وه‌ى خۆمان خۆشمان ده‌بێ بیر بکه‌ینه‌وه وه به‌راستى زانایانى ئیسلام و پێشه‌وایانى ئیسلام ته‌نیا ئه‌وانه‌یان توانیویانه گۆرانکارى بکه‌ن که به عه‌قڵێکى ئازاد و کراوه و به‌دڵێکى بوێرانه‌وه ته‌ماشاى قورئان و ئایه‌ته‌کانى خواو فه‌رمایشته‌کانى پێغه‌مبه‌رمان صلى الله علیه وسلم کردوه