ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
پایه‌کانى ئیمان
ئاماده‌کردنى/سانا حمدامین
له ئیسلامدا ئیمان شه‌ش پایه‌ى هه‌یه, واته به تێکڕایان ئیمان پێک ده‌هێنن و نکۆڵى کردن له یه‌کێکیان ده‌رچوونه له سنوورى ئیمان به یه‌کجارى ئینجا له رێگه‌ى فه‌رمایشتى خواى گه‌وره و فه‌رموده‌ى پێغه‌مبه‌ر صلى الله علیه وسلم به ڕاسته‌وخۆ ده‌توانین له هه‌رکام له‌و پایانه حاڵى ببین پاشان له رێگه‌ى سه‌رنج دان له بونه‌وه‌رو ژیانه‌وه به ناراسته‌وخۆ شاره‌زاییمان زۆر ترو تێگه‌یشتنمان قوڵتر ببێت. خواى گه‌وره ده‌فه‌رموێت: (آَمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آَمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ)البقره/٢٨٥ واته: پێغه‌مبه‌ر صلى الله علیه وسلم ئیمانى به‌و په‌یامه‌ى بۆى ره‌وانه کراوه
له په‌روه‌ردگاریه‌وه هێناوه هه‌روه‌ها ئیمان دارانیش هه‌موویان ئیمانیان هه‌یه به خواو به فریشته‌کانى و کتێبه‌کانى و نێرراوه‌کانى.... هه‌روه‌ها پێغه‌مبه‌ریش صلى الله علیه وسلم له وه‌ڵامى جوبره‌ئیلدا علیه سلام ده‌رباره‌ى ئیمان فه‌رموى (ان تؤمن بالله وملائكته وكتبه ورسله واليوم الاخر, وتؤمن بالقدر خيره و شره) رواه مسلم واته: ئیمان بهێنێت به خواى گه‌وره‌و به فریشته‌کانى و به په‌یامه‌کانى و به نێرراوه‌کانى و به رۆژى دوایى ئیمان بهێنێت به قه‌زاو قه‌ده‌ر به خۆشى و ناخۆشییه‌وه.