ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌ده‌ب و ئاکارى موسڵمان له‌گه‌ڵ خزم و نزیکانیدا
نوسینى/نه‌وا محمد
ئاماده‌کردنى/سانا حمدامین
کاتێک ئیسلام هات بایه‌خێکى زۆرى به خزمایه‌تى و پته‌وکردنى په‌یوه‌ندیه‌کانى نێوان که‌سوکاردا, هانى موسڵمانیاندا که ئه‌م په‌یوه‌ندیه په‌ره پێ بده‌ن و تۆکمه‌ى بکه‌ن خواى گه‌وره‌ش فه‌رمان به موسڵمانان ده‌کات, که خۆیان بپارێزن له خۆ دوورخستن و پچڕاندنى په‌یوه‌ندیه‌کانى نێوان خزم و که‌سوکار ئه‌وه‌تا ده‌فه‌رموێ (وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا)النساْ .. ئیبن کپیر له راڤه‌ى ئه‌م ئایه‌ته‌دا ده‌فه‌رموێ به‌واتاى خۆتان بپارێزن له پچڕاندنى خزمایه‌تى و سه‌ردانى نه‌کردنیان به‌ڵکو ده‌بێ چاکه‌یان له‌گه‌ڵ دا بکه‌ن و ئه‌م (صلة)یه به‌جێ بهێنن.
(قرطبى)گوتویه‌تى: میلله‌ت هاوده‌نگن له‌سه‌ر ئه‌وه‌ى که په‌یوه‌ندى خزمایه‌تى (صلة الرحم)واجبه و پچڕاندنى حه‌رامه. ئه‌وه‌تا ئه‌سماْ له پێغه‌مبه‌رى خوا پرسیار ده‌کات که ئایا سه‌ردانى دایکى بکات و ئه‌م (صلة)یه به‌جێ بهێنێ؟ پێغه‌مبه‌ریش صلى الله علیه وسلم فه‌رمووى (نعم صلى امك) رواه البخارى و مسلم و ابوداود و احمد جا پێغه‌مبه‌ر فه‌رمانى پێکرد که سه‌ردانى بکات هه‌رچه‌نده دایکى ئافره‌تێکى بێ باوه‌ڕ (كافر)ه دیاره وشه‌ى (الارحام) که له قورئاندا هاتووه ناوێکه به‌کاردێت بۆ گشت خزم و که‌سوکارو به بێ جیاوازى نێوان مه‌حره‌م و نامه‌حره‌م. (تفسير القرطبى)