ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ته‌رازووى قیامه‌ت
ئاماده‌کردنى : ادریس انور
ئه‌وه‌ى له پێشبڕکێى به‌ره و قیامه‌تدا به‌شداره، به‌ته‌رازووى قیامه‌ت هه‌موو شتێکى ئه‌م دنیایه کێشانه‌و پێوانه ده‌کات ،له‌هه‌ر که‌سێک
بپرسى که چ ڕۆژێکى ژیانى لا گرنگتره له‌ڕۆژه‌کانى ترى ژیانى ،وه‌ڵامى
جۆراو جۆرت ده‌ست ده‌که‌وێت،هه‌یه ڕۆژى له‌دایکبوونى لا گرنگه‌و یادى
ده‌کاته‌وه ،یان هى واهه‌یه ڕۆژى ده‌رچوونى زانکۆى لاگرنگه‌و هى واش
هه‌یه ڕۆژى هاوسه‌رگیرى و...هتد،دۆستانى خوا ئه‌و ڕۆژه یان لا گه‌وره
و گرنگه که‌له‌هه‌موو ڕۆژێک زیاتر کاریان بۆ خوا کردبێ و خوا لێیان
ڕازى بووبێت.
کاتێک حه‌زره‌ت( ص) مژده‌ى دا به‌که‌عبى کوڕى مالیک که‌ئایه‌تى له‌سه‌ر دابه‌زى و ته‌وبه‌که‌ى وه‌رگیرا حه‌زره‌ت(ص ) فه‌رمووى: مژده‌ت لێبێت به‌چاکترین ڕۆژێک که‌به‌سه‌رتا تێپه‌ڕیوه له‌وه ته‌ى له‌دایک بوویت.
به‌ڕاستى هه‌روایه،چ ڕۆژێک له‌م ڕۆژه‌ى گرنگتره که‌خوالێى خۆش بووه
و ته‌وبه‌که‌ى وه‌رگیراوه.
هه‌روه ها به ته‌رازووى قیامه‌ت موفلیس کێیه؟
حه‌زره‌ت( ص) به‌هاوه‌ڵانى ده‌فه‌رمووێت :موفلیس ئه‌وه نییه که‌درهه‌م
و دینارى نیه،به‌لکو ئه‌وه‌یه که‌له‌قیامه‌تدا چاکه‌کانى ئه‌دات له‌برى
ئه‌وه‌ى که ئازارى خه‌ڵکى داوه (إن الفلس من أمتى،من يأتي يوم القيامة
بصلاة وصيام وزكاة، ويأتي وقد شتم هذا وقذف هذا وأكل مال هذا وسفك
دم هذا وضرب هذا،فيعطى هذا من حسناته، وهذا من حسنات فإن فنيت
حسناته قبل أن يقضى ماعليه أخذ من خطاياهم فطرحت عليه،ثم طرح
في النار).١ کاتێکیش که خاتوو عائیشه مه‌ڕێکى سه‌ربڕى و به‌خشیه‌وه ته‌نها ده‌سته‌که‌ى نه‌بێت،به‌حه‌زره تى ( ص) فه‌رموو: ته‌نها ده‌سته‌که‌ى نه‌بێت ماوه.که‌ئه‌مه‌ش دیاره به‌ته‌رازووى قیامه‌ت وایه،هه‌موو پاداشته‌که‌ى له‌قیامه‌تدا وه‌رده‌گرێت که‌به خشیویه‌تیه‌وه ته‌نها ده‌سته‌که‌ى نه‌بێت.٢
جارێک بیلال به‌لاى پێشبڕکێیه‌کى ئه‌سپ سواریدا ده‌ڕوات، لێى ده‌پرسن،
کێ پێشکه‌وت؟! ئه‌ویش وتى:(سبق المقربون)،وتیان:ئێمه له‌باره‌ى پێشبڕکێى ئه‌سپه‌کانه‌وه پرسیارت لێ ده‌که‌ین ،وتى:منیش ڕێى خێرتان پیشان ئه‌ده‌م.
نصرالدین براى نورالدین محمود زنکى له‌جه‌نگێکدا چاوێکى له‌ده ستدا له‌ساڵى (560)ى کۆچى دا که‌نورالدین بینى پێى وت:ئه‌گه‌رئه‌وپاداشته‌ى
بۆت دانراوه پیشانت بدرێت، حه‌زده‌که‌ى چاوه‌که‌ى تریشت واى لێبێت.