ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
پرسیارى٧/ئایه ئه‌وانه‌ى شوێن پێغه‌مبه‌ران ده‌که‌ون پاداشتیان چیه ؟ هه‌روه‌ها ئه‌وانه‌ش شوێنیان ناکه‌ون سزایان چیه؟
نوسینى طارق حسن
ئاماده‌کردنى : دلاوه‌ر کوردی
وه‌ڵام/هه‌رکه‌سێک باوه‌ِریان پێَبکات و شوێنیان بکه‌وێت ئه‌وه سه‌رفه‌رازى دونیا و دواڕۆژ ده‌بێت و ده‌یباته‌وه ،و هه‌رکه‌سێکیش باوه‌ڕیان پێنه‌کات ئه‌وه له دونیا و دواڕۆژدا دۆڕاو و زه‌ره‌رمه‌ند ده‌بێت.
له‌به‌ر فه‌رمووده‌که‌ى خواى گه‌وره که له سه‌رزارى پێغه‌مبه‌ر نوحه‌وه سه‌لامى خواى له‌سه‌ر بۆمان ده‌گێڕێته‌وه که‌وا به قه‌ومه‌که‌ى فه‌رموو(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً [10] يُرْسِلِ السَّمَاء عَلَيْكُم مِّدْرَاراً [11] وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً )[ 12])(النوح :10-12)
واته جا پێم وتن داواى لێبوردن له په‌روه‌ردگارتان بکه‌ن ئه‌و لێبورده و به‌خشینده‌یه .له ئاسمانه‌وه بارانى ره‌حمتتان په‌یتا به سه‌ردا ده‌بارێنى .وه سامان و منداڵتان پێ ده‌به‌خشێت ،وه به‌هه‌شتى جۆرا و جۆر و ڕوباتان بۆ به‌دیده‌هێنى.
هه‌روه‌ها ده‌فه‌ره‌مووێ (وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ وَلَـكِن كَذَّبُواْ فَأَخَذْنَاهُم بِمَا كَانُواْ يَكْسِبُونَ )[الأعراف : 96]
واته:وه ئه‌گه‌ر خه‌ڵکى شار و دێهاته‌کان باوه‌ڕیان به پێغه‌مبه‌ران بهێنایه و خۆیان له نافه‌رمانیه‌کانى خواى گه‌وره بپاراستایه ،ئه‌وه ده‌رگاى به‌پیت و به‌ره‌که‌تى ئاسمان و زه‌ویمان بۆ ده‌کردنه‌وه ،به‌ڵام ئه‌وان باوه‌ڕیان نه‌هێنا و به‌درۆیانیان خسته‌وه ،بۆیه ئێمه‌ش هه‌موویانمان له‌ناو برد به‌هۆى کاره‌کانى خۆیانه‌وه.
هه‌روه‌ها ده‌فه‌رمووێ (قُلْ يَا أَيُّهَا النَّاسُ إِنَّمَا أَنَا لَكُمْ نَذِيرٌ مُّبِينٌ [49] فَالَّذِينَ آمَنُوا وَعَمِلُوا الصَّالِحَاتِ لَهُم مَّغْفِرَةٌ وَڕزْقٌ كَڕيمٌ [50] وَالَّذِينَ سَعَوْا فِي آيَاتِنَا مُعَاجِزِينَ أُوْلَئِكَ أَصْحَابُ الْجَحِيمِ )[ 51]( الحج 49-51)
واته:ئه‌ى پێغه‌مبه‌ر پێیان بڵێ :خه‌ڵکینه من ته‌نها ترسێنه‌ر و بێدارکه‌ره‌وه‌یه‌کى ئاشکرام بۆ ئێوه .جا ئه‌وانه‌ى که باوه‌ڕ ده‌هێنن و کار و کرده‌وه چاکه ده‌که‌ن ئه‌وه بۆ ئه‌وانه لێبوردن و ڕۆزیه‌کى به‌نرخ ئاماده کراوه.ئه‌وانه‌ش که‌وا بۆ له‌ناو بردنى ئایه‌ته‌کانى ئێمه کۆشش ده‌که‌ن وا ده‌زانن زاڵ ده‌بن ،ئه‌وانه نیشته‌جێى ناوى ئاگرى دۆزه‌خن .
هه‌روه‌ها ده‌فه‌رمووێ (قَالَ اهْبِطَا مِنْهَا جَمِيعاً بَعْضُكُمْ لِبَعْضٍ عَدُوٌّ فَإِمَّا يَأْتِيَنَّكُم مِّنِّي هُدًى فَمَنِ اتَّبَعَ هُدَايَ فَلَا يَضِلُّ وَلَا يَشْقَى [123] وَمَنْ أَعْرَضَ عَن ذِكْڕي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى [124] قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً [125] قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى [126] وَكَذَلِكَ نَجْزِي مَنْ أَسْرَفَ وَلَمْ يُؤْمِن بِآيَاتِ رَبِّهِ وَلَعَذَابُ الْآخِرَةِ أَشَدُّ وَأَبْقَى [127]( طه :123-127)
واته :جا ئه‌گه‌ر رێنموایى و هیدایه‌تى منتان بۆ هات ،هه‌رکه‌سێ په‌یڕه‌وى رێنمویى منى کرد ،ئه‌وه هه‌رگیز نه‌گومڕا ده‌بێت و نه‌توش ناخۆشى به‌دبه‌ختى ده‌بێت .ئه‌وه‌شى ڕوو وه‌ربگێڕێت له رێنموى و زیکرى و یادى من ئه‌وه بێگومان ئه‌و که‌سه توشى ژیانێکى تاڵ وسه خت و دژوار ده‌بێت له دونیا ،وله رۆژى دوایشدا به کوێرى حه‌شرى ده‌که‌ین .جا ده‌ڵێ :په‌روه‌ردگاریش !بۆ به کوێرى حه‌شرت کردم ؟خۆ من چاو ساغ و بینابوم ؟!جا په‌روه‌ردگاریش پێى ده‌فه‌رمێ :تۆ ئا به‌و شێوه کوێربوى له ئاستى نیشانه و به‌ڵگه‌کانى ئێمه و یادت ئه‌کرد ،ده‌ى ئێمه‌ش ئه‌مڕۆ ئاوا تۆ له‌یاد ده‌که‌ین .ئا به‌و شێوه‌یه پاداشتى ئه‌و که‌سانه ده‌ده‌ینه‌وه که سنوره‌کانى ئێمه‌یاند تێپه‌ڕاند و باوه‌ڕى به به‌ڵگه و ونیشانه‌کانى په‌روه‌ردگارى نه‌هێناوه ،جا بێگومان سزاى دوا ڕۆژ ى توندتر و به‌رده‌وام تر ده‌بێت.