ماڵپەری قورئانی پیرۆز

نوسینى/دانا عوسمان
ئاماده‌کردنى/سانا حمدامین
جۆرى دووه‌مى راستگۆیى بریتییه‌ له‌ راستگۆیى له‌ زماندا ئه‌ویش به‌وه‌ى که‌ کاتێک باسێک بۆ که‌سێک ده‌که‌یت یان ڕووداوێکى بۆ ده‌گێڕێته‌وه‌ به‌بێ زیاد و که‌م وه‌ک خۆى بۆى باس بکه‌یت و درۆ و ناراستى تێدا ئه‌نجام نه‌ده‌یت. هه‌موو کات پێغه‌مبه‌رى خوا ئه‌م دوعایه‌ى دووباره‌ ده‌کرده‌وه‌ و ده‌یفه‌رموو(اللهم انى اسئلك لسانا صادقا) رواه‌ ترمزى واته‌: خواى گه‌وره‌ من داواى زمانێکى ڕاستگۆت لێ ده‌که‌م. باشه‌ ئه‌گه‌ر راستگۆترین که‌س که‌ پێغه‌مبه‌ره‌ صلى الله علیه‌ وسلم ئه‌مه‌ دوعاى بووبێت له‌لاى خواى گه‌وره‌, ئاخۆ ده‌بێت ئێمه‌ له‌ رۆژێکدا چه‌ند جار داوا له‌خواى گه‌وره‌ بکه‌ین که‌ راستگۆبین؟!!

پاشان خواى گه‌وره‌ باسى (ابراهيم) پێغه‌مبه‌ر و نه‌وه‌کانى ده‌کات له‌ پێغه‌مبه‌ران (سةلامى خوايان لةسةربيَت) و ده‌فه‌رموێت(وَجَعَلْنَا لَهُمْ لِسَانَ صِدْقٍ عَلِيًّا)مریم/٥٠ که‌واته‌: به‌رێزان دڵنیابن گه‌ر خه‌ڵکى به‌ گشتى و به‌ جیاوازى بیروباوه‌ڕیانه‌وه‌ هه‌وڵى ئه‌وه‌ بده‌ن که‌له‌زماندا راستگۆبن و له‌نێوان یه‌کترى دا راستگۆیى بڵاو بکه‌نه‌وه‌ و نه‌فرین له‌ درۆ بکه‌ن ئه‌وه‌ ره‌وتى ژیان به‌ره‌و خۆشترین مه‌نزڵ کاروان ده‌گرێ و خیانه‌ت و چاوبه‌ستکردن و ده‌نگ دابرین و شه‌ر و پشت له‌یه‌کتر کردن و سه‌رجه‌م شته‌کانى تر چاره‌سه‌ر ده‌کرێن و بنبڕ ده‌بن!! چونکه‌ ناراستى زمان واى لێکردووه‌ که‌که‌س متمانه‌ى به‌ویتر نه‌مێنێت و له‌ گوماندا بژین به‌رامبه‌ر به‌یه‌کترى ناراستى له‌زماندا کۆمه‌ڵگاکه‌ى پڕ کردووه‌ له‌شه‌ر و خێر و خۆشى له‌ناودا هه‌ڵگرتووه‌!! به‌ پێچه‌وانه‌شه‌وه‌ گه‌ر خه‌ڵکى بریار بده‌ن راستگۆ بن له‌گه‌ڵ یه‌کتردا ئه‌وه‌ له‌ زۆر کێشه‌ رزگاریان ده‌بێت.