ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(فِي قُلُوبِهِم مَّرَضٌ فَزَادَهُمُ اللّهُ مَرَضاً ][البقرة : 10]...
![(فِي قُلُوبِهِم مَّرَضٌ فَزَادَهُمُ اللّهُ مَرَضاً ][البقرة : 10]...](https://old.quran-kurd.com/site/sites/default/files/fy_qlwbhm_mrd.jpg)
نوسینى: محمد فتح الله گولن
وه‌رگێرانى: حبیب محمد سعید
ئاماده‌کردنى : ادریس انور
لة هةندآ تةفسيردا وةها هاتووة كة (فَزَادَهُمُ اللّهُ مَرَضاً ) له بابه‌تى ((الجزاء من جنس العمل )) ه . به‌ڵام من وه‌هاى ئه‌بینم که چاکتر وه‌هایه به‌م شێوه‌یه له ماناى ئایه‌ته‌که بچینه پێشه‌وه: خواى گه‌وره دڵیانى زیاتر نه‌خۆش خستووه ، چونکه ئه‌وانه له ئاستى نیه‌ت دا به خراپکاریى و له خوایاخیى بوون چه‌په‌ڵ بوون و ، هه‌رچیى هه‌لێکیشیان بۆ هه‌ڵ که‌وتبا
هه‌وڵیان داوه ئه‌و نیه‌ته خراپانه‌یان جآ به‌جآ بکه‌ن و ، هه‌تا هۆکاره‌کانیش زیاتر بوو بن ، ئه‌نجامه‌کانیش زیادیان کردووه . ئه‌مه‌ش ئه‌وه ئه‌گه‌یه‌نآ که چوونه‌ته ناو ئه‌ڵقه‌یه‌کى بۆشه‌وه . واته ئه‌وان نه‌یان توانیوه دڵه‌کانیان له‌م نیه‌ته خراپانه رزگار بکه‌ن ، بگره به هیچ شێوه‌یه‌ک بیریان له‌مه نه‌کرده‌وه .جا ئه‌م نیه‌ته خراپانه نیه‌تى خراپى تریان لێ که‌وتنه‌وه . ئه‌و کرده‌وانه‌ش که له‌سه‌ر ئه‌م نیه‌تانه بینا کران کره‌وه‌ى تریان به‌رهه‌م هێنان و لێیان که‌وتنه‌وه ، به‌چوونه ناوى ئه‌م جۆره ئه‌ڵقه بۆ شه‌وه مونافیقه‌کان تیاچوون . که‌واته کاتێک که ته‌فسیرى ئایه‌تى [فَزَادَهُمُ اللّهُ مَرَضاً] ئه‌که‌ین ، له‌سه‌رمان پێویسته ماناکه‌ى به شێوه‌ى ئه‌نجامێکى سروشتیى بۆ چوونه ناو ئه‌م ئه‌ڵقه بۆشه‌وه سه‌یربکه‌ن . له‌ش ساغی بناغه و یاسایه و ، نه‌خوشییش شتێکى لابه‌لایى یه . به‌هامان شێوه فیتره‌ى ساغ بناغه‌یه و ، نه‌خۆشی دڵیش لاوه‌کى یه . له‌به‌ر ئه‌مه هه‌ر که‌س گرنگیى به دروستیى دڵى و پاراستنى و ، ئاماده‌کردنى هه‌موو مه‌رجه مه‌عنه‌وى یه‌کانى پاراستنى نه‌دات ، ئه‌وا ئه‌و پارچه ناسکه خوایى یه ئه‌کاته پاروویه‌کى چه‌ور بۆ ڤایرۆس و میکرۆبه‌کان . له‌گه‌ڵ ئه‌وه‌دا که له‌وانه‌یه سه‌ره‌تا شتێکى بچووک بێت ، هه‌نگاونان له هه‌ڵه‌یه‌که‌وه بۆ یه‌کێکى تر و ، له تاوانێکه‌وه بۆ تاوانێکى تر و ،له یاخیى بوونێکه‌وه بۆ یه‌کێکى تر ، له کۆتایى دا ئه‌بێته هۆى کرانه‌وه‌ى گوشه‌که و ، روودانى تاوانى وه‌ها گه‌وره که له ژوور بیرکردنه‌وه‌وه بن . واته ئه‌بێته مایه‌ى روودانى یاخیى بوونه گه‌وره‌کان که بریتیین له شه‌ریک بۆ خوا دانان ، چونکه چه‌ندین رآ هه‌ن ، که به‌ره‌و کوفر سه‌ر ئه‌کێشن. ئه‌گه‌ر به‌رباد بوونى عه‌قیده ، یان تلانه‌وه له نێو گومان و دوو دڵى یه‌کان دا نه‌خۆشیى مونافیقان بێت ، له هه‌مان کات دا ماناى وه‌هایه که کوفر و ئیلحاد لێ هاتنێکى شارراوه‌یان هه‌یه . جا ئه‌گه‌ر چاودێری خوایى فریاى ئه‌م نه‌خۆشى یه نه‌که‌وێت و ، ئه‌و ئه‌ڵقانه نه‌شکێنآ که گه‌یه‌نه‌رى کرده‌وه یاخیى بوونه‌کانن به کوفر ، ئه‌وا کرده‌وه یاخیى بوونه‌کان ، به‌وه‌ى که به چه‌ندین قات زیاد ئه‌که‌ن، له‌وانه‌یه ببنه مایه‌ى کافرکردن . بگره هه‌ندآ جار ئه‌وه روو ئه‌دات که کاتآ مرۆڤ گومان و دوو دڵیى ده‌وره‌ى لێ ئه‌ده‌ن ، له‌وانه‌یه ببێته هۆیه‌ک بۆ پچڕانى هێڵى گه‌یه‌نه‌رى نێوان خۆى و خوا ، به‌مه‌ش گومان له هه‌موو شتێک زیاد ئه‌کات و ، وه‌هاشى له قه‌ڵه‌م ئه‌دا که ئه‌و و هه‌موو خه‌ڵکیى له‌م گومانه‌دا یه‌کسانن ، ئیتر له که‌ش و هه‌واى ئه‌م گومانه‌دا چه‌ند قات ئه‌تلێته‌وه . کاتێک که ده‌رباره‌ى ئه‌و هێڵه‌ى به خواى ئه‌گه‌یه‌نێت گومان و دوودڵى ده‌وره‌ى لێ ئه‌ده‌ن و ، به‌رامبه‌ر به هه‌موو شتێک گومانى ئه‌بێت و ، شتانیش – به پێوانه‌ى خۆى- له قه‌ڵه‌م ئه‌دات ، ئه‌وا له گومان و دوو دڵى و ڕارایى ، له ئاستى ئیلحاددا ، ئه‌تلێته‌وه .. خۆى وه‌ها ئه‌ژیت و ، وه‌ها وه‌همیش ئه‌بات که که‌سانى تریش وه‌ک خۆى بآ ئیمان و بآ گوێڕایه‌ڵین و ، ناگونجآ متمانه‌یان پآ بکرآ ، یان پشتیان پآ ببه‌سترآ ... واته له جیهانێک دا ئه‌ژیى که ئه‌ندێشه و وه‌همه نه‌خۆشه‌که‌ى دروستیان کردووه و ، سه‌ره‌نجامیش له ژێر بارى ئه‌و نه‌خۆشى یانه‌دا ورد و خاش ئه‌بێت .