ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
نمونه‌ى ئه‌و که‌سانه‌ى قورئان ده‌خوێنن
نوسینى/د.محمد زکى
ئاماده‌کردنى/سانا حمدامین
عن ابى موسى (رضى الله عنة) عن النبى (صلى الله علية وسلم) قال: (مثل المؤمن الذى يقرا القران مثل الاترجة ريحها طيب وطعمها طيب ومثل الؤمن الذى لايقرا القران مثل التمرة لا ريح لها وطعمها حلو. ومثل النمافق الذى يقرا القران مثل الريحانة ريحها طيب وطعمها مر, ومثل المنافق الذى لا يقرا القران مثل النظة لاريح لها وطعمها مر)(رواة الخمسة) واته: له ئه‌بى موساوه(رضى الله عنة)گێراویه‌تیه‌وه له پێغه‌مبه‌ره‌وه صلى الله علیه وسلم فه‌رموویه‌تى نموونه‌ى باوه‌ڕدارى قورئانخوێن وه‌کو پرته‌قاڵ یان لاله‌نگى وایه, بۆنیشى خۆشه‌و تامیشى خۆشه, نموونه‌ى باوه‌ڕدارێک قورئان ناخوێنێ وه‌کو خورمایه وایه بۆنى نیه‌و تامى شیرینه نموونه‌ى دووڕوویه‌ک که قورئان ده‌خوێنێت وه‌کو ڕیحانه وایه, بۆنى خۆشه‌و تامه تاڵه وه‌ئه‌و دووڕووه‌ى قورئان ناخوێنێته‌وه وه‌کو کوژاڵک وایه, بۆنى نیه‌و تامیشى تاڵه.
له‌م فه‌رمووده‌یه‌دا دو جۆر له‌یه‌کچواندن هه‌یه یه‌که‌م به بۆنى خۆش دووه‌م به‌تامى خۆش بۆنى خۆش بڵاو ده‌بێته‌وه بۆ ده‌وروبه‌ر, به ماناى ئه‌وه‌ى خوێنه‌رى قورئان باوه‌ڕدار بێت یان مونافق سوودى ده‌بێت بۆ که‌سانى تر له‌وانه‌ى گوێبیستى خوێندنى قورئانه‌که ده‌بن ته‌نها سوودى بۆ که‌سى قورئان خوێن نییه به‌ڵکو بۆ که‌سانى تر به‌وه‌ى فێرى قورئان خوێندنیان بکات یان ئاگادارى حه‌رام و حه‌ڵاڵى قورئانى بکات. به‌ڵام تامى خۆش که‌سه‌که خۆى هه‌ستى پێ ده‌کات که‌سانى تر هه‌ستى پێ ناکه‌ن هه‌روه‌ک ئیمان وه‌کو خواردنێکى خۆش وایه ته‌نها ئه‌و که‌سه‌ى ده‌یخوات هه‌ست به تام و خۆشى ده‌کات هه‌ڵگرى ئیمانیش که فه‌رمانه‌کانى به‌جێ ده‌هێنێ خۆى دووره پارێز ده‌گرێت له‌قه‌ده‌غه کراوه‌کان و پابه‌ندى فه‌رمانه‌کانى ده‌بێت.