ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سوته‌مه‌نى دۆزه‌خ
ئاماده‌کردنى/سانا حمدامین
سوته‌مه‌نى دۆزه‌خ بریتییه له ئاده‌میزاد و به‌رد هه‌روه‌کو خواى گه‌وره ئاماژه‌ى بۆ ده‌کات و ده‌فه‌رموێ (ياايها الذين امنوا قوا انفسكم واهليكم نارا وقود الناس والحجارة)التحریم/٢ واته: ئه‌ى ئه‌وانه‌ى باوه‌ڕتان هێناوه خۆتان و ماڵ و مناڵتان له ئاگرێک بپارێزن که سوته‌مه‌نیه‌که‌ى خه‌ڵک و به‌رده. جا هه‌رچه‌نده خواى گه‌وره و به‌ده‌سه‌ڵات ده‌توانێت هه‌موو جۆره به‌ردێک بکات به سوته‌مه‌نى دۆزه‌خ به‌ڵام هه‌ندێ له هاوه‌ڵان ده‌ڵێن ئه‌و به‌رده بریتیه له‌به‌ردى گۆگرد (كبريت) که زۆر گه‌رم ده‌بێت و بۆنى ناخۆشه و چاکتر به پێستى مرۆڤه‌وه ده‌نوسێت. (ابن رجب) ره‌حمه‌تى خواى لێ بێت فه‌رموویه‌تى زۆربه‌ى موفه‌سیره‌کان ڕایان له‌سه‌ر ئه‌وه‌یه که به‌ردى گۆگرد ئاگرى پێ داده‌گیرسێت
وه وتراوه پێنج سیفات هه‌یه که ئێش و ئازار زیاتر ده‌کات که‌له غه‌یرى گۆگرد له هیچى تر دا نیه زووداگیرسان, بۆنى زۆر ناخۆش, زۆرى دوکه‌ڵ, توند به‌لاشه‌وه ده‌لچکێت, له‌کاتى گرسه‌ندنى تینى گه‌رمى زۆر به‌هێزه. عبدالله کورى مسعود ره‌حمه‌تى خواى لێ بێت (هى حجارة من كبريت, خلقها الله يوم خلق السموات والارض فى سماء الدنيا يعدها الكافرين) واته ئه‌که به‌ردى گۆگرده خودا دروستى کردووه کاتێ ئاسمانه‌کان و زه‌وى دروست کردووه له ئاسمانى یه‌که‌م ئاماده‌ى ده‌کات بۆ بێ باوه‌ڕان. له سوته‌مه‌نى یه‌کانى ترى ئاگر بته دروست کراوه‌کانه وه‌ک خواى گه‌وره و میهره‌بان فه‌رموویه‌تى (إِنَّكُمْ وَمَا تَعْبُدُونَ مِنْ دُونِ اللَّهِ حَصَبُ جَهَنَّمَ أَنْتُمْ لَهَا وَاڕدُونَ (98) ڵوْ کَانَ هَۆُڵاوِ آَلِهَه مَا وَرَدُوهَا وَکُلٌّ فِیهَا خَالِدُونَ)الانبیاْ /٩٨-٩٩ واته ئێوه و ئه‌وانیش له غه‌یرى خودا ده‌یپه‌رستن ده‌بنه دارو سوته‌مه‌نى دۆزه‌خ ئێوه به‌ناوى دا ده‌برێن ئه‌گه‌ر ئه‌وانه‌ى ئێوه ده‌تان په‌رست خوداى حه‌ق بوونایه نه‌ده‌خرانه دۆزه‌خه‌وه وه هه‌موو تیایدا به‌نه‌مرى ده‌مێننه‌وه