ماڵپەری قورئانی پیرۆز

عادل شێخانى
ئاماده‌کردنى : فاتیمه‌ غریب
ده‌گێرنه‌وه‌ کابرایه‌کى سه‌رخۆش له‌ یانه‌یه‌کى مه‌ینۆشى شه‌واندا له‌پاریس،دواى مه‌ست بوونى به‌ مه‌ى ، به‌ په‌رۆشى به‌ دواى شتێکدا ده‌گه‌ڕاو به‌ وردى ژێرمێز و کورسیه‌کانى ده‌بشکنى .
پۆلیسى مه‌یخانه‌که‌ له‌ کابرا چوه‌ پێشه‌وه‌و لێى پرسى : ده‌کرێت پێم بڵێى به‌ شوێن چیدا وێڵى ؟ کابرا له‌ وه‌ڵامدا گووتى :

کلیلى ماَله‌وه‌م وونکردووه‌ و ده‌مه‌وێت بیدۆزمه‌وه‌ !
پۆلیسه‌که‌ بۆ جارى دووه‌م لێى پرسی : جا تۆ دڵنیای لێره‌ ونت کردووه‌ ، کابراى سه‌رخۆش گووتى : نه‌خێر کلیله‌که‌م لێره‌ ون نه‌کردوه‌ ، به‌ڵکو له‌وسه‌رى شه‌قامه‌که‌ کلیله‌که‌م ون کردووه‌ ! پۆلیسه‌که‌ سه‌رى سوڕما له‌کارى ئه‌م کابرایه‌؟ سه‌یرو سه‌مه‌ره‌یه‌که‌ .
له‌و سه‌رى شه‌قامه‌که‌ کلیله‌که‌ى ون کردووه‌و له‌ ناوه‌ڕاستى مه‌یخانه‌که‌دا بۆی ده‌گه‌ڕێت!
له‌به‌ر ئه‌وه‌ به‌سه‌ر سوڕمانێکى زۆره‌وه‌ لێى پرسی له‌کاتێکدا کلیله‌که‌ت له‌ شوێنێکى تر ون کردوه‌ ،بۆچى لێره‌ بۆی ده‌گه‌ڕێت و ده‌ته‌وێت له‌شوێنێک بیدۆزێته‌وه‌، که‌ شوێنى ونبونى نیه‌و محاڵه‌ لێره‌دا بیدۆزێته‌وه‌ ؟! کابراى سه‌رخۆش له‌ وه‌ڵامدا گووتى : چونکه‌ ئێره‌ ڕووناکه‌و بینین ئاسانه‌و شته‌کان به‌ڕوونى ده‌بینرێن ، به‌ڵام ئه‌وسه‌رى شه‌قامه‌که‌ تاریکه‌و له‌وێدا هیچ نابینرێت!
دواى خوێندنه‌وه‌ى ئه‌م چیڕۆکه‌:
١-    ئایا نابینیت که‌ ئه‌و کابرایه‌ له‌ بازنه‌یه‌کى به‌تاڵدا ده‌سوڕێته‌وه‌؟
٢-    ئایا کاره‌سات نییه‌ ،مرۆڤ له‌ شوێنێک بۆ چاره‌سه‌ر بگه‌ڕێت ، که‌ هیچ په‌یوه‌ندبه‌ کێشه‌که‌وه‌ نییه‌؟
٣-    ئایا پێت وایه‌ ئه‌وسه‌رى شه‌قامه‌که‌ هه‌روا به‌ تاریکى بمێنێته‌وه‌؟
٤-    ئایا هیچ ئامرازێک نییه‌ بۆ ڕۆشنکردنه‌وه‌ى شه‌قامه‌که‌؟ یان کابرا خۆى ئاستى بیرکرنه‌وه‌ى مه‌ییوه‌؟
٥-    ده‌کرێت خوێنه‌رى به‌ڕێز، تۆش وه‌ک پۆلیسه‌که‌ ڕووداوه‌که‌ت به‌ لاوه‌ سه‌یر بێت ، به‌ڵام هاوشێوه‌ى زۆره‌، چونکه‌ ئێمه‌ له‌ زه‌مانى سه‌یر و سه‌مه‌ره‌کان ده‌ژین!.