ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئیعجازی زانستی به‌رزترین شێوازی دوواندنی بیرو راكانه
نووسینی / عبدالدائم كحیل
ئاماده‌كردنی /نه‌جات رواندزی
هه‌ندێك له زاناكان نكۆڵی له له ووتاری خوایی كه قورئانی پیرۆزه ده‌كه‌ن و ده‌ڵێن ئه‌و قورئانه دانراوی محمد (صل الله علیه وسلم ) !!! و له‌ونه‌یشه ئه‌وانه هه‌ر بروایان به بوونی خوای گه‌وره‌ش نه‌بێت چونكه ئه‌وانه له‌بارێكی پێشووی تێكه‌ڵی و پێكه‌ڵی ده‌ژین
، ئه‌وه‌ی سه‌یره ئه‌وه‌یه كه خوای گه‌وره باس له‌و باره‌یه‌وه ده‌كات وه‌ك ده‌فه‌رمووێت {بَلْ كَذَّبُوا بِالْحَقِّ لَمَّا جَاءَهُمْ فَهُمْ فِي أَمْرٍ مَڕيجٍ }[ق:5] واته ئا ئه‌وانه‌ی بروایان به‌و قورئانه نیه وان له سه‌رسورماوی و پیشوی و تێكه‌ڵی و پێكه‌ڵی هزرو بیر و ناجێگیری ده‌روونی . به‌ڵام له‌گه‌ڵ ئه‌وانه‌شدا هه‌ر خوای گه‌وره راسته‌وخۆ بانگیان ده‌كات بۆ تێروانین و بیركردنه‌وه له چۆنیه‌تی بیناكردنی و جوانكردنی ئه‌م گه‌ردوونه و جه‌خت ده‌كاته‌وه بۆئه‌وانه كه هه‌ر خۆی واته خوای گه‌وره ئه‌و مه‌جه‌رانه‌ی دروست كردووه ئه‌و جوانسازییه‌ی تێدا ئه‌نجام داوه وه‌ك خۆی ده‌فه‌رمووێت (كیف بنیناها وزیناها ) بگره له‌وش زیاتر خوای گه‌وره هه‌موو هۆیه‌كانی تێروانینی و دۆزینه‌وه‌ی بۆ فه‌راهه‌م هێناون تا له‌و رێگایه به‌دیهێنه‌ری ئه‌و نیناكردنه گه‌ردوونه قه‌شه‌نگه بناسن تا له‌و باره‌وه واق و ورماوی و پشێویه ده‌روونیه ده‌ربچن و بروا بێنن به‌و به‌دی هێنه‌ره به‌توانایه و كاربه‌جێیه ،ئایا ئه‌وه بانگكردن نیه له‌لایه‌ن خوای گه‌وره‌وه وه‌به زمانی زانست بۆ بروا هێنان به‌و به‌دیهێنه‌ره باڵاده‌سته ؟ ئیسلام ئا به‌مجۆره مامه‌ڵه له‌گه‌ڵ نا موسڵمانان ده‌كات بۆ قایل كردنیان ئاخۆ ئه‌وه ئایینی دواكه‌وتویی و تۆقاندنه یان ئایینی زانست و لێبورده‌یی و قایل كردنه ؟