ماڵپەری قورئانی پیرۆز

نوسینى :طارق حسن
ئاماده‌کردنى : دلاوه‌ر کورد
له‌به‌ر فه‌رمووده‌که‌ى خواى گه‌وره‌ :( إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ أُوْلَئِكَ هُمُ الصَّادِقُونَ) [الحجرات : 15]
واته‌ : به‌ڕاستى باوه‌ڕدارانى راسته‌قینه‌ ئه‌وانه‌ن که‌ باوه‌ڕیان به‌ خوا وپێغه‌مبه‌ره‌که‌ى هێناوه‌ ،پاشان هیچ نه‌که‌وتونه‌ته‌ گومان و دودڵیه‌وه‌ و به‌رده‌وام به‌ خۆیان وسه‌ر وماڵیشیانه‌وه‌ کۆشش ده‌که‌ن له‌ پێناوى خواى گه‌وره‌دا ،به‌راستى راستگۆیان هه‌ر ئه‌وانن

هه‌روه‌ها له‌به‌ر فه‌رمووده‌که‌ى ئه‌بو هوره‌یره‌ خواى لێ رازى بێت که‌وا پێغه‌مبه‌رى خوا درودى خواى له‌سه‌ر بێت فه‌رمووى (أشهَدُ أنْ لاَإِلَهَ إِلاَّ الله وَأنَّي رَسُولُ اللهِ ، لاَيَلْقَى اللهَ بِهِمَا عَبْدٌ غَيْرَ شَاكٍٍٍٍٍٍ فِيهِمَا، إِلاَّ دَخَلَ الجَنَّةَ ) {رَواهُ مسلم (1/رقم/27)} واته‌ : شایه‌تى ده‌ده‌م که‌وا هیچ په‌رستڕاوێک نیه‌ به‌ڕاستى شایه‌ن به‌ندایه‌تى کردن و په‌رستن بێت ته‌نها خواى گه‌وره‌ نه‌بێت وه‌ منیش پێغه‌مبه‌ر و نێرراوى خوام ، جا هه‌ر که‌سێک به‌م شایه‌تى دانه‌وه‌ بگاته‌وه‌ لاى خواى گه‌وره‌ ،هیچ گومانێکى لێى نه‌بێت ، ئه‌وه‌ ده‌یخاته‌ به‌هه‌شته‌وه‌ ٠
هه‌روه‌ها فه‌رمووده‌که‌ى ترى ئه‌بو هوره‌یره‌ خواى لێ رازى بێت که‌وا پێغه‌مبه‌رى خوا درودى خواى له‌سه‌ر بێت هه‌ردو نه‌عله‌که‌ى خۆى پێدا و فه‌رمووى (فَمَنْ لَقِيْتَ مِنْ وَرَاءِ هَذَاالحَائِطِ يَشْهَدُ أنْ لاَ إِلَهَ إِلاَّ اللهُ مُستَيْقِنَاََ بِهَا قَلْبُهُ فَبَشَّرْهُ بِالجَنَّةِ ) {رَوَاهُ مُسلِم (1/رقم/31)} واته‌ : جا که‌ گه‌یشتى به‌ هه‌رکه‌سێک له‌ پشت ئه‌م دیواره‌وه‌ ،شایه‌تى ده‌دا که‌وا هیچ په‌رستڕاوێک نیه‌ شایه‌ن به‌ندایه‌تى کردن و په‌رستن بێت ته‌نها خواى گه‌وره‌ نه‌بێت ،وه‌ له‌ کانگاى دڵێوه‌ پێى دڵنیابو ، ئه‌وه‌ مژده‌ى به‌هه‌شتى بده‌رێ٠