ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
مه‌رجه‌کانى شایه‌تمان : مه‌رجى حه‌وته‌م : ئه‌وه‌یه که‌وا کار به‌واتاى شایه‌تمان بکات (العَمَلُ بِهَا ) ٠٠
نوسینى : طارق حسن
ئاماده‌کردنى: دلاوه‌ر کوردى
یه‌کێک له گرنگترین مه‌رجه‌کانى وه‌رگرتنى شایه‌تمان کار پێکردنێتى له شاراوه‌یى و ئاشکرادا ، هه‌ر له‌به‌ر مه‌به‌ستى کارپێکردنیش خواى گه‌وره به‌سه‌ر پێغه‌مبه‌راندا دایبه‌زاندوه، ئه‌وه‌تا خواى گه‌وره ده‌فه‌رمووى : (وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاء وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ ) [البينة : 5]
واته :
وه ئه‌وان فه‌رمانیان پێ نه‌کرابو ته‌نها به‌وه نه‌بێت که‌وا به‌ندایه‌تى خواى گه‌وره بکه‌ن و به‌ڕاستى و پاکى ئاین په‌روه‌رى هه‌ر بۆ ئه‌و بکه‌ن ،وله هه‌موو ئاین و رێبازێکى تر لاده‌ن بۆ تاکه رێبازى ئیسلام ،وه به رێکوپێکى هه‌ڵسن به کردنى نوێژه‌کان ، وزه‌کاتى ماڵ و سامانه‌کانیان بده‌ن وه هه‌ر ئه‌وه‌ش ئاینى راسته‌قینه‌ى خواى گه‌وره‌یه .
وه هه‌روه‌ها ده‌فه‌رمووێ : (وَلَقَدْ بَعَثْنَا فِي كُلِّ أُمَّةٍ رَّسُولاً أَنِ اعْبُدُواْ اللّهَ وَاجْتَنِبُواْ الطَّاغُوتَ )[النحل : 36] واته : وه بێگومان ئێمه بۆ هه‌موو ئوممه‌تێک پێغه‌مبه‌رێکمان ره‌وانه کردوه که‌وا به ته‌نها به‌ندایه‌تى و په‌رستن هه‌ر بۆ خواى گه‌وره بکه‌ن ،وه دور بکه‌وه‌نه‌وه له به‌ندایه‌تى کردن و په‌رستنى غه‌یرى ئه‌و ..
که‌وابو ئه‌گه‌ر به کرده‌وه ده‌ست به خواپه‌رستى نه‌کات و دورنه‌که‌وێته‌وه له په‌رستنى غه‌یرى ئه‌و ،ئه‌وه ئه‌و مه‌به‌سته‌ى به‌جێ نه‌هێناوه که خواى گه‌وره پێغه‌مبه‌رانى بۆ ره‌وانه‌کردوه .