ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
قورئان ده‌عوه‌تنامه‌ى خوایه ڕه‌تى مه‌که‌وه
نوسینى/د.محمد زکى
ئاماده‌کردنى/سانا حمدامین
عن سمره بن جندب (رضى الله عنه) عن النبى صلى الله علیه وسلم (قال كل مؤدب يحب يؤتى مادبته, ومادبة الله القران فلاتهجروه) (رواه البهقى) واته هه‌موو خاوه‌ن خوانێک حه‌زده‌کات که‌سانێک له چوار ده‌ورى خوانه‌که‌ى کۆببنه‌وه خوانى خوا قورئانى پیرۆزه پشتى تێ مه‌که‌ن. خواى گه‌وره له قورئانى پیرۆزدا ئاماژه به سکاڵاى پێغه‌مبه‌ر صلى الله علیه وسلم ده‌کات که‌لاى خوا شکایه‌ت ده‌کات له که‌سانێک له ئوممه‌ته‌که‌ى که هه‌جزى قورئانیان کردووه و پشتیان تێ کردووه هه‌روه‌ک ده‌فه‌رموێت (وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآَنَ مَهْجُورًا)الفرقان/٣٠ ئه‌وه‌ى له فه‌رمووه‌که‌دا هاتووه باسى سفره‌و خوانه که خۆراکى جه‌سته‌ى مرۆڤى له‌سه‌ره به‌ڵام خوانى قورئانى خۆراکى ده‌روون و گیانى تێدایه, وه‌خواى گه‌وره قورئانى بۆ رێنمایى کردنى به‌نده‌کان ناردووه (الم (1) ژَلِکَ الْکِتَابُ ڵا رَیْبَ فِیهِ هُدى لِلْمُتَّقِینَ) البقره/١-٢
که‌واته قورئانى پیرۆز به‌مه‌به‌ستى رێنمایى و تێرکردنى گیان و ده‌روونى به‌نده‌کان هاتووه له‌به‌ر ئه‌وه پێویسته به‌ده‌م ئه‌م بانگه‌وازه خواییه‌وه بچین ()وه پشت تێکردنى واته پشت کردن له‌زیکرو یادى خوا که ئه‌وه کارێکى زۆر خراپه ئه‌وه‌ى له سوره‌تى (الفرقان)دا هاتووه باس له هیجران و پشت هه‌ڵکردنى کافران ده‌کات له ئیمان و ئیسلام و ئایه‌ته‌کانى قورئانى پیرۆز, به‌ڵام هیجران و پشت هه‌ڵکردن له تیلاوه و خوێندنه‌وه‌ى قورئان ئه‌وه‌یه که له فه‌رمووده‌که‌دا هاتووه پێشه‌وا (ئةبو حنيفة) سنوورى هیجرانى قورئانى له تیلاوه‌دا وا داناوه که پێویسته له ساڵێکدا له دووجار که‌متر خه‌تمى نه‌کرێت هه‌روه‌ها زانایانى تر به خراپیان داناوه که قورئان له ماڵدا یان له هه‌ر شوێنێکدا دابنرێت به‌بێ خوێندنه‌وه‌و ده‌ور کردنه‌وه