ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌ى ئازادى
د. عه‌لى شه‌ریعه‌تى
و/ له فارسییه‌وه.. هه‌ردى ئه‌نوه‌ر
ئه‌ى ئازادى، توَم خوَش ده‌وێت.. پێویستم پێته، خوَشه‌ویستم بوَت ده‌رئه‌بڕم، بێ توَ ژیان سه‌خته. بێ توَ من نیم، هه‌م، به‌ڵام من نیم، بوونێک ده‌بم، له بوَشای، پووک، سه‌رلێ شێواو، بێ ئومێد، سارد و سڕ.. به‌د بین، تاڵ، بێ روح، بێ دڵ، بێ روَشناى، بێ شیرینى، بێ چاوه‌ڕوانى، منى بێ توَ واته هیچ!!
ئه‌ى ئازادى بریا"خوَزگه" له گه‌ڵ توَ ده‌ژیام.. له‌گه‌ڵ توَ گیانم ده‌رده‌چوو، له توَدا ده‌توامه‌وه، له توَدا خوَم ده‌شارده‌وه، ده‌منووسی، ده‌موت، هه‌ستم ده‌کرد، بووم.
ئازادى من له سته‌م بێزارم. له کوَت و به‌ند بێزارم. له زیندان بێزارم.. له حکومه‌ت بێزارم.. له" پێویست" بێزارم.. له هه‌ر شتێک و که‌سێک توَ ده‌کات کوَت و به‌ند بێزارم.. ئه‌ى ئازادى باڵنده‌ى په‌ڕ شکاوى جوانى من، خوَزگه ئه‌متوانى توَ له ده‌ستى سه‌ربازانى وه‌حشی، دروستکه‌رانى تاریکى و سه‌رما و دیواره‌کان و سنووره‌کان و زیندانه‌کان ئازاد ده‌کرد. خوَزگه ده‌متوانى قه‌فه‌سه‌که‌تم ده‌شکاند و له هه‌واى پاکی بێ هه‌ور و غوبار ده‌مفڕاندى..به‌ڵام ده‌ستانێک منیان شکاندووه.. زمانمیان بڕیوه.. پێ یه‌کانمیان کوَت و به‌ند کردووه.. چاوه‌کانیشمیان به‌ستووه.. گه‌رنا توَ له قوڵاى خوَم ده‌دوَزمه‌وه و تامى توَ له هه‌ر ساتێکدا له خوَمدا ده‌چێژم.. بوَنى توَ له که‌شی ته‌نیاى خوَمدا بوَن ده‌که‌م. هیچ کاتێک به ته‌نیا ناتهێلمه‌وه.