ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گۆرانكاریه‌كانی راستیه زانستیه‌كان
نووسینی /عبدالدائم كحیل
وه‌رگیرانی /جمال محمد
ئاماده‌كردنی/نه‌جات ره‌واندزی
له سه‌ده‌ی حه‌وته‌می زایینیدا كاتیك كه قورئان دابه‌زیوه خواره‌وه ئه‌وه لای خه‌ڵكی له ئارادابوو كه زه‌وی ناوه‌ندی گه‌ردوونه و ئه‌ستێره‌و هه‌ساره‌كان به‌ده‌ووره زه‌وی دا ده‌سورێنه‌وه ، هیچ كه‌س زانیاری نه‌بوو ده‌رباره‌ی بینای گه‌ردوونی وپه‌یدابوونی و په‌ره‌سه‌ندنی ، هیچ كه‌س ئه‌و ژماره خه‌یاڵیانه‌ی مه‌جه‌ره‌كانی به خه‌یاڵدا نه‌ئه‌هات و كه‌سیش ده‌رباره‌ی بینای ئه‌و مه‌جه‌رانه هیچی نه‌ده‌زانی .
بار هه‌ر به‌و جۆره مایه‌وه راپه‌ریینی زانستی هاته كایه‌وه كاتێك زاناكان له رێگای ته‌له‌سكۆبه‌كانیانه‌وه سه‌یری ئاسمانیان ده‌كردو زانستی گه‌ردوون زیاتر پێشكه‌وت كاتێك زاناكان هۆكاری شیكاری شه‌به‌نگی رۆوناكی مه‌جه‌ره دووره‌كانیان به‌كار هێنا ، ئینجا سه‌رده‌مێك ده‌ستی پێكرد كاتێك توێژه‌ره‌وه‌كان ته‌كنیكی چاره‌سه‌ركردنیان به كۆمپیته‌ر به‌كار هێنا به مه‌به‌ستی ده‌ست كه‌وتنی زانیاری زیاتر ده‌رباره‌ی گه‌ردوون .
به‌ڵام له سه‌ره‌تای هه‌زاره‌ی سیێه‌مدا زانستی فه‌زایی پێی نایه قۆناغێكی نوێوه له رێگای به‌كارهێنانی سوپه‌ر كۆمپیته‌ره‌وه ، كاتێك زاناكان وێنه‌ی هێلكاری گه‌ردوونیان به سێ دووری به‌ده‌ست هێنا و له ئه‌نجامی ئه‌وه‌شدا زاناكان به دڵنیایی ته‌واوه‌وه گه‌یشتنه ئه‌وه‌ی كه هه‌موو شتێك له‌م گه‌ردوونه‌دا برییتیه له‌موحه‌كه‌م و به‌هێز ،به‌ڵام ئه‌وه‌ی سه‌رنجی من راده‌كێشێت زۆر له‌سه‌ری ده‌وه‌ستم ئه‌و وه‌سفه‌ی خوای گه‌وره‌یه‌یه بۆ ئه‌ستێره‌كان ده‌فه‌رموێت {..... وَزَيَّنَّا السَّمَاءَ الدُّنْيَا بِمَصَابِيحَ وَحِفْظًا ذَلِكَ تَقْدِيرُ الْعَزِيزِ الْعَلِيمِ } [فصلت : 12]من به‌راستی سه‌رسورماو بووم كه كاتێك بینیم زاناكان وێنه‌ی ئه‌ستێره‌و كوازاری (نیمچه ئه‌ستێره ) ی وا پرشنگداریان گرتووه كه به‌راستی رێگای نیوان ئێمه‌و خۆیان رووناك ده‌كاته‌وه بۆیه ناوی ( المصابیح) یان لێناوه واته گلۆپه‌كان ،به‌لێ گه‌وره‌یی بۆ ئه‌و خوایه‌ی كه زۆر پێش ئه‌و زانایانه ئه‌و وه‌سفه جوانه‌ی به‌كار هێناوه (وَزَيَّنَّا السَّمَاءَ الدُّنْيَا بِمَصَابِيحَ ) .!