ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ڕه‌وشتی پیاوی دانا
هارون نوح طه
کتێبخانه‌ى محوى
لقمان ی حکیم ووتی به کوڕه‌که‌ی: بزانه ڕۆله‌که‌م ڕه‌وشته‌کانی پیاوی دانای سه‌رفیراز:
- ویقارو له‌سه‌ر خۆییه.
- چاکه کردنه، داد په‌روه‌ریه.
- نه‌رمو نیانو خاوه‌ن زانستو کرده‌وه‌ی باشه.
- خۆی ده‌پارێزێ، لێخۆشبوونی زۆره، ملکه‌چه.
- ئه‌گه‌ر قسه بکات به عیلمو زانست قسه ده‌کات.
- ئه‌گه‌ر بێ ده‌نگ بێ بێ ده‌نگی له نه‌رمو نیانیه‌تی.
- ئه‌گه‌ر به‌هێز بێت خۆی ده‌پارێزێ، ئه‌گه‌ر خراپه‌ی له‌گه‌لأ کرا لێبووردن به‌کار دێنێ.
- ئه‌گه‌ر پرسیاری کرد پێچه‌وانه ناکات، ئه‌گه‌ر پرسیاری لێ کرا به‌خیلو ڕژد نابێ.
- ئه‌گه‌ر ووتی ده‌ڵێ به زانست ، ئه‌گه‌ر پێیان ووت شاره‌زا ده‌بێ. ئه‌گه‌ر شاره‌زا بوو خه‌ڵکیش فێر ده‌کات، ئه‌گه‌ر خه‌ڵکیش فێر بکات جوانترین شتیان فێر ده‌کات، واته مه‌سائیله‌کان جوان ده‌کات.
- چاکه‌ی له‌گه‌لأ بکرێت سوپاسیان ده‌کات، ئه‌گه‌ر له‌گه‌لأ که‌سانێک دابنیشێ له سه‌رووی خۆی بن پرسیاریان لێ ده‌کات، ئه‌گه‌ر خوارووی خۆی بن شاره‌زایان ده‌کاتو فێریان ده‌کات.
- خیانه‌ت له نه‌هێنیه‌کانت ناکات، گومان ناکات له‌و نه‌هێنیه که لای تۆی داناوه، ده‌ست پاکت ده‌کات منه‌ت ناکات ئه‌گه‌ر ببه‌خشێ، ئه‌گه‌ر پێی ببه‌خشیت سوپاست ده‌کات.
- چی بۆ خۆی پێخۆشه بۆ خه‌ڵکیشی پێ خۆش ده‌بێ
- له ده‌وڵه‌مه‌ندی ناوه‌نجی ده‌بێو له خۆ بایی نابێ، له فه‌قیری خۆی ده‌پارێزێ، مالأو سامان سه‌رقاڵی ناکات له خوا، فه‌قیریش سه‌رقاڵی ناکات، زانسته‌که‌ی سوود مه‌ند ده‌بێ، گوێ بۆ ئامۆژگاریه‌کانی ڕاده‌گیرێ. قسه ناکات له قسه‌ی که‌سانی سه‌رووی خۆی، ڕێز له‌وانه ده‌گرێ که له خوارووی خۆی بن. داوای شتێ ناکات که بۆ خۆی نه‌بێت، ئه‌وه‌ی بۆی بوو به زایه‌ی نادات.
ئه‌گه‌ر شتێک نه‌زانێ نایڵێت، ئه‌و زانسته‌ی له‌لای بێ نایشارێته‌وه. له مافی خۆی خۆش ده‌بێ، زیان له خه‌ڵک نادات، خه‌ڵک پێی ده‌حه‌سێنه‌وه، به خۆیشی له نێو ئازارو ماندو بووندایه. نه‌ریتی له‌سه‌ر ئایینه، ئامۆژگاری وه‌رده‌گرێ. به په‌له‌یه له چاکه ته‌مبه‌ڵه له خراپه. به‌هێزه له کارکردن، بێ هێزه له گوناح کردن.
- زانستی که‌مه له ئاره‌زووه‌کان، زانایه له‌و شتانه‌ی که له خوا نزیکت ده‌کاته‌وه. له مالأو سامانی زۆر ده‌به‌خشێ، ئه‌گه‌ر نه‌دار بێ خۆی ده‌پارێزێ. فه‌رمان به چاکه ده‌کاتو به خۆیشی ده‌یکات، خه‌ڵک له خراپه قه‌ده‌غه ده‌کات به خۆیشی خۆی لێ ده‌پارێزێ. نه‌هێنیو ئاشکرای وه‌کو یه‌که، قسه‌و کاری به‌رامبه‌ر یه‌که