ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
پاداشتى ڕۆژوه‌وان:
نوسینى عبدالرحمن نجم الدین
ئاماده‌کردنى : دلاوه‌ر کوردى
مرۆڤى ڕۆژووه‌وان پاداشتى تایبه‌تى هه‌یه له ڕۆژوو گرتندا, خواى گه‌وره ڕۆژووى له ڕێزى کرده‌وه چاکه‌کاندا داناوه که پاداشتى ئیجگار گه‌وره‌ى بۆ دانراوه خواى گه‌وره ده‌فه‌رمووێت :
(إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِڕينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِڕينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْراً عَظِيماً) [الأحزاب : 35] پاداشتى ڕۆژوو له چاو کرده‌وه‌کانى ترى مرۆڤ ئیجگار زۆرتره خواى گه‌وره له فه‌رمووده‌یه‌کى قودسدا ده‌فه‌رمووێت:(كل بني ادم يظاعف الحسنة بعشر امثالها الى سبعمأة ضعف إلا الصوم, الصوم لي وأنا اجز به يدع شهوته وطعامه من اجلي ) (رواه المسلم ) واته: هه‌ر کرده‌وه‌یه‌کى ئاده‌میزاد چه‌ند قات پاداشتى ده‌درێته‌وه له ١٠ قاته‌وه تا ٧٠٠ قات ته‌نها ڕۆژنه‌بێت ڕۆژوو بۆ منه منیش خۆم پاداشتى ئه‌ده‌مه‌وه چونکه ئه‌و که‌سه له به‌ر من واز له خواردن و خواردنه‌وه و ئاره‌زووه‌کانى ده‌هێنێ ٠٠ له فه‌رمووده‌یه‌کى تردا هاتوه هه‌ر که‌س ڕۆژێک به ڕۆژوو بێت ئه‌وا خواى گه‌وره له به‌ر ئه‌و ڕۆژوو گرتنه‌ى ٠٠ ڕومه‌تى ئه‌و که‌سه به دوورى (70) پاییز ڕێگه ده‌پارێزى له ئاگرى دوزه‌خ, وه له فه‌رمووده‌یه‌کى تردا هاتوه ( من صام ايمانا و احتسابا غفر لة ما تقدم من ذنبه ) متفق علیه واته: هه‌ر که‌س مانگى ره‌مه‌زان بگرێت به ئیمان و به ئومیدى گیرابونه‌وه ئه‌وا خواى گه‌وره له گوناهه‌کانى له‌وه‌و پێشى خۆش ده‌بێت ٠