ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
واتای ئایه‌تی {صُمٌّ بُكْمٌ عُمْيٌ فَهُمْ لَا يَرْجِعُونَ}[البقرة:18] {.... صُمٌّ بُكْمٌ عُمْيٌ فَهُمْ لَا يَعْقِلُونَ } [البقرة:171]
![واتای ئایه‌تی {صُمٌّ بُكْمٌ عُمْيٌ فَهُمْ لَا يَرْجِعُونَ}[البقرة:18] {.... صُمٌّ بُكْمٌ عُمْيٌ فَهُمْ لَا يَعْقِلُونَ } [البقرة:171]](https://old.quran-kurd.com/site/sites/default/files/12_5.jpg)
نووسینی /محمد فتح الله گوله‌ن
وه‌رگیر / حبیب محمد
ئاماده‌كردنی /نه‌جات رواندزی
یه‌كێك له‌و دوو ئایه‌ته كه په‌یوه‌ندی به مونافیقانه‌وه هه‌یه و، ئه‌وی تریشیان به كافرانه‌وه ،هه‌روه‌كو لێره‌دا ئه‌بینرێت له بابه‌تی ده‌مارگیری و به‌رگه‌نه‌گرتن و نه‌رم ونیانی نه‌بوونیاندا ، هه‌روه‌ها له گۆشه‌ی سه‌یركردن و بیركردنه‌وه‌ی ناره‌وا ، به‌شكه‌رێكی ناوكۆیی ( قاسم مشترك ) له نێوان مونافقان و كافراندا هه‌یه .
له‌به‌ر ئه‌وه هه‌ردوو لایه‌نه‌كه وه‌ها وه‌صف ئه‌كرێن كه‌رو ڵال و كوێرن . به‌ڵام به پێی ئه‌م دووئایه‌ته هۆیه‌كانی گومرابوونی هه‌ردوو ده‌سته‌كه جیاوازن . ئه‌وه‌تا له ئایه‌تی یه‌كه‌مدا هۆیه‌كه بۆ ئه‌وه ئه‌چێت كه ئه‌وانه نه‌گه‌راونه‌ته‌وه سه‌ر فتره‌تی بنه‌ره‌تی رابردووی خۆیان .به‌ڵام له ئایه‌ته‌كه‌ی تردا هۆیه‌كه‌ی بۆ ئه‌وه ده‌گه‌رینته‌وه كه ئه‌وانه عه‌قڵ و ژیری خۆیان به‌كار نه‌هێناوه .
ئه‌و بنچینه‌یه هاوبه‌شه‌یه‌ش كه به كه‌روڵالو كوێریان ئه‌گێری ئه‌وه‌یه به خوێندنه‌وه‌ی ئه‌و كتێبه‌ی بوونه‌وه‌ر كه له‌به‌رچاویاندا ، به وێنه‌ی پیشانگایه‌كی خوایی سه‌رسورمێن ، دانراوه به‌دیی هێنه‌ریان (جل شأنه))) نه‌دۆزیه‌وه و نه‌ناسیی و.. ئه‌م كتێبه‌شیان به‌چاكی هه‌ڵنه‌سه‌گاند و ، به ووردیش له ده‌ورووبه‌ر و رووداوه‌كانیان نه‌كۆلی یه‌وه و دیراسه‌یان نه‌كردن و ، په‌ند و ئامۆژگارییان لێ وه‌رنه‌گرتن و گوێشیان بۆ كتێبه ئاسمتنیه‌كان و ، بۆ ده‌نگی ویژدانبان نه‌گرت .