ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خودامان به‌سه و باشترین پاڵپشته
نوسینى/د.عائض القرنى
ئاماده‌کردنى/سانا حمدامین
واته (حَسْبُنَا اللَّهُ وَنِعْمَ الْوَكِيلُ)ال عمران/١٧٣ ئه‌م وته‌یه پێغه‌مبه‌ر (ابراهيم) سىلامى خوداى لێ بێ فه‌رمووى کاتێ فڕێ درایه ناو مه‌نجه‌نیقى ئاگرینه‌وه, ئه‌و ئاگره بۆى بووه جێگه‌یه‌کى فێنک و خۆش. به هه‌مان شێوه پێغه‌مبه‌ر صلى الله علیه وسلم فه‌رمووى کاتێ له جه‌نگى به‌دردا بوون خودا سه‌رى خستن کاتێ ابراهیم خرایه ناو ئاگره‌که جبریل هاته لاى, وتى: پێویستیت به چى هه‌یه؟ ئه‌ویش فه‌رمووى پێویستم به تۆ نییه به‌ڵام له خواى گه‌وره داوام هه‌یه. ده‌ریا سیفه‌تى خنکاندنه, و ئاگر سوتاندنه, به‌ڵام ده‌ریا وشک ده‌بێته‌وه, ئاگر داده‌مرکى و ده‌کوژێته‌وه به وته‌ى (حَسْبُنَا اللَّهُ وَنِعْمَ الْوَكِيلُ)ال عمران/١٧٢ کاتێ (موسا) سه‌لامى خوداى لێ بێ ده‌ریاکه‌ى بینى وا له پێشیه‌تى و دوژمنانیشى وا به دوایه‌وه‌ن, ئه‌وکات به باوه‌ڕدارانى وتى: (قَالَ كَلَّا إِنَّ مَعِيَ رَبِّي سَيَهْدِينِ)الشعراْ /٦٢
وه‌لاِمى پرسیارى ئه‌وان بوو که فیرعه‌ون ده‌مان گرێت, خودا رزگارى کردن, له ژیانى پێغه‌مبه‌ر صلى الله علیه وسلم باس کراوه کاتێ پێغه‌مبه‌ر و هاوه‌ڵه‌که‌ى ده‌چنه ناو ئه‌شکه‌وته‌که خودا کۆترێکى خسته خزمه‌ت ئه‌وان و هیلانه‌ى کرد جاڵجاڵۆکه‌ش ماڵى خۆى له ده‌رگاى چوونه‌ژووره‌وه‌ى ئه‌شکه‌وته‌که دانا, بۆیه بێبڕوایان وتیان که‌س نه‌چووه‌ته ناو ئه‌م ئه‌شکه‌وته بۆیه ماڵى جاڵجاڵۆکه‌که نه‌شکاوه(لاوازى هةية لةم رووداوة) به‌ڵێ ئه‌مه چاودێریى خودایه, ئه‌گه‌ر مرۆڤ جوان بیرى لێ بکاته‌وه ده‌زانێ خودایه‌ک هه‌یه ئه‌و کات دڵى مرۆڤ جێگیر ده‌بێ بۆیه ده‌ڵێ ئه‌گه‌ر چاودێرى خودا چاودێریت بکات به ئیسراحه‌ت بخه‌وه چونکه ڕوو داوه‌کان هه‌مووى ساده و ئاسان ده‌بن بۆت. خودا ده‌فه‌رموێت (فانك باعيننا) به‌یه‌ک پێغه‌مبه‌ران ده‌فه‌رموێ تۆ له‌ژێر چاودێرى ئێمه داى یان ده‌فه‌رموێت: (فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ)یوسف/٦٤ واته خودا باشترین پارێزه‌ره که مرۆڤ ده‌پارێزێ هه‌ر خوداش به سۆزترینى به سۆزانه.