ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
فه‌رزه‌کانى ڕۆژوو:
فه‌رزه‌کانى ڕۆژوو:
عبدالرحمن نجم الدین
١- پێویسته نیه‌تى هێنابێت و نیه‌ته‌که‌ى له به‌شێکى شودا بێت, ئه‌گه‌ر نیه‌ته‌که‌ى له دواى نوێژى به‌یانییه‌وه بوو ئه‌وا ڕۆژوه‌که‌ى دروست نییه به پێى ئه‌م فه‌رمووده که پێغه‌مبه‌ر درودى خواى له‌سه ربێت ده‌فه‌رموێت: (من لم يبت بصيام من الليل فلا صيام له ) رواه النسائی واته: هه‌ر که‌س له شه‌ودا نیه‌تى ڕۆژووى نه‌هێنا ئه‌وا ڕۆژووه‌که‌ى دروست نییه,
به‌ڵام له ڕۆژووى سوننه‌تدا ئه‌توانرێت له دواى نوێژى به‌یانیشه‌وه تا (زوال) نیه‌ت بهێنێ به‌و مه‌رجه‌ى هیچى نه‌خواردبێت (عن عائشة رضى الله عنها قالت: دخل على النبي صلى الله عليه وسلم ذات يوم فقال: هل عندكم شيء قلنا ل....قال فاني اذا صائم ثم اتانا يوم اخر فقلت اهدى لنا حيس فقال أرينه فلقد اصبحت صائما )
واته: پێغه‌مبه‌ر جارێکیان چوو بۆ لاى خاتوو عائشه پێى فه‌رموو: هیچتان هه‌یه بیخوین ؟ وتى نه‌خیر پێغه‌مبه‌ر درودى خواى له‌سه‌ر بێت فه‌رموى که‌واته من به‌ڕۆژوو ده‌بم, پاشان ڕۆژێکى تریش هه‌ر به‌و شێوه‌یه بوو, خاتوو عائشه وتى حه‌یس یان بۆ هێناوین جۆره خوردنێکه تێکه‌ڵه خورما و ڕۆن و شتى تر پێغه‌مبه‌ر درودى خواى له‌سه‌ر بێت فه‌رموى بیهێنه من تا ئێستابه‌ڕۆژوو بووم پاشان خواردنه‌که‌ى خوارد ئه‌مه‌ش ئه‌وه ده‌رده‌خات مرۆڤ ئازاده له‌وه‌ى که ڕۆژووه‌که‌ى تا سه‌ر ببات یاخود بیشکێنێت, وه‌کو پێغه‌مبه‌ر درودى خواى له‌سه‌ر بێت له فه‌رمووده‌یه‌کى تردا ده‌فه‌رمووێت (الصائم التطوع امين او امير نفسه, ان شاء صام وان شاء افطر ) (رواة اصاب السنن), واته: مرۆڤى ڕۆژووه‌وان ئه‌گه‌ر ڕۆژووه‌که‌ى سوونه‌ت بوو خۆى به‌رپرسى خۆیه‌تى ئه‌توانێت ڕۆژووه‌که‌ى بگرێت و ئه‌شتوانێ بیشکێنێ وه هه‌روه‌ها سوونه‌ته ئه‌گه‌ر ڕۆژێک خواردن نه‌بوو بیخۆیت ئه‌و ڕۆژه به‌ڕۆژ بیت, شایه‌نى باسه به‌مه‌رج نه‌گیراوه نیه‌ت هێنان به زوبان بووترێت به‌ڵکو ئه‌گه‌ر به دڵ نیه‌تى هێنا ئه‌وا ڕۆژووه‌که‌ى دروسته ئه‌مه‌ش تێکراى زانایان یه‌ک ده‌نگن له‌سه‌رى پێشه‌وا ئیبن ته‌یمیه ده‌فه‌رمووێت هه‌ر که‌س بزانێت سبه‌ینێ ڕه‌مه‌زانه و بیه‌وێت به ڕۆژوو بێت ئه‌وه نیه‌تى هێناوه ئیتر جیاوازى نییه له نێوان ئه‌وه‌ى که نیه‌ته‌که‌ى به‌ده‌م ده‌ربڕیبێت یاخود له دڵیدا نیه‌تى هێنابێت وه ده‌بێت بۆ هه‌موو ڕۆژێکى ڕه‌مه‌زان به جیا نیه‌ت بهێنێت واته: ده‌بێت هه‌موو شه‌وێک نیه‌تى ڕۆژووى سبه‌ینێ بهێنێت وه ته‌نها یه‌ک نیه‌ت بۆ هه‌موو مانگى ڕه‌مه‌زان به‌س نیه ٠
٢- خۆى بگرێته‌وه له خواردن و خوارنه‌وه , جیماع کردن
٣- خوى بپارێزیت له ئه‌و شتانه‌ى ڕۆژوو به‌تاڵ ده‌که‌نه‌وه, که له جیگاى خۆیدا ئاماژه‌یان پێ ده‌که‌ین ٠