ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ده‌روازه‌کانى ناسینى خواى گه‌وره : ده‌روازه‌ى سێیه‌م : سه‌رنج دان له زانیارى گشت بینى خوا :
کاوان کوردى
ئاماده‌کرنى : دلاوه‌ر کوردی
کاتێک مرۆڤ له خۆیه‌وه ده‌ڕوانێت و ده‌بینێت زانیارییه‌کانى کورت بین وسنوردارن و په‌ى نابه‌ن به زانینى ڕوداوێکى ساڵێکى تر ,بگره هه‌فته‌یه‌کى ترو ڕۆژێکى ترو ساتێکى تر , نازانێت ئایا چرکه‌یه‌کى تر چى به‌سه‌ر دێت و توشى چى ده‌بێت ؟ زۆر جار په‌نا بۆ هۆکارى
نامه‌نتیقانه ده‌بات , تاکو په‌ى به شتێک له چاره‌نوسى نادیار ببات بۆ ئه‌وه‌ى دڵى ئاو بخواته‌وه ,وه‌ک جاد و سیحر و ئه‌ستێره‌گه‌رى و فاڵگرتنه‌وه ٠٠٠هتد , به‌ڵام بێ سه‌ر ئه‌نجامه
٠جا ئه‌م هه‌سته , مرۆڤ جڵه‌وگیر ده‌کات بۆ له چاره‌نوسى ئه‌و هه‌مو دروستکراوانه ڕامێنێت و بیر بکاته‌وه , که هه‌ر له ده‌نکه تۆوێکه‌وه , هه‌تا زه‌به‌لاحترین کاکه‌شان پێویستى به چاودێرى وردو ئاگادارى سه‌ر له‌به‌ر ،، ڕابردو , ئێستا , داهاتو ،، یان هه‌یه , ئه‌وه‌ش هه‌ر
له زانیارى گشت بینى خوا ده‌وه‌شێته‌وه , وه‌ک ده‌فه‌رموێت (وَعِندَهُ مَفَاتِحُ الْغَيْبِ لاَ يَعْلَمُهَا إِلاَّ هُوَ وَيَعْلَمُ مَا فِي الْبَرِّ وَالْبَحْڕ وَمَا تَسْقُطُ مِن وَرَقَةٍ إِلاَّ يَعْلَمُهَا وَلاَ حَبَّةٍ فِي ظُلُمَاتِ الأَرْضِ وَلاَ رَطْبٍ وَلاَ يَابِسٍ إِلاَّ فِي كِتَابٍ مُّبِينٍ [59] وَهُوَ الَّذِي يَتَوَفَّاكُم بِاللَّيْلِ وَيَعْلَمُ مَا جَرَحْتُم بِالنَّهَاڕ ثُمَّ يَبْعَثُكُمْ فِيهِ لِيُقْضَى أَجَلٌ مُّسَمًّى ثُمَّ إِلَيْهِ مَرْجِعُكُمْ ثُمَّ يُنَبِّئُكُم بِمَا كُنتُمْ تَعْمَلُونَ )[الأنعام 59: 60] واته : کلیله‌کانى غه‌یب زانى لاى خواى گه‌وره‌یه , هیچ که‌س نایزانێت خۆى نه‌بێت , هه‌ر چى له وشکانى و ده‌ریادا بێت ئاگاى لێیه‌تى , هه‌ر گه‌ڵایه‌ک بوه‌رێت ده‌زانێت و هه‌ر ده‌نکه تۆوێک له تاریکاییه‌کانى زه‌ویدا بێت , یان ته‌ڕاییه‌ک , یان وشکاییه‌ک له نوسراوى ڕونکراوه‌ى خوادا هه‌یه , هه‌ر ئه‌ویشه , که به شه‌و گیانتان ده‌کێشێت و ده‌زانێت به ڕۆژ خه‌ریکى چین , ئینجا هه‌ر له ڕۆژدا زیندوتان ده‌کاته‌وه بۆ ئه‌وه‌ى مۆڵه‌تێک , که بۆتان دیارى کراوه به‌سه‌ر بچێت , ئینجا گه‌ڕانه‌وه‌تان بۆ لاى خۆیه‌تى , پاشان هه‌واڵتان پێ ده‌دات که چ کارێکتان کردوه ٠