ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ڕۆژوو چاره‌سه‌ره
به‌شیر حه‌سه‌ن
گۆڤارى (ظام أكتويل) که گۆڤارێکی هه‌فتانه‌ی فه‌ره‌نسیه، له‌کۆتا ژماره‌یدا لێکۆڵینه‌وه‌یه‌کی بلآوکردۆته‌وه که له‌لایه‌ن کۆمه‌ڵێک توێژه‌رى ئه‌مه‌ریکی و ئیتاڵی کراوه، سه‌باره‌ت به‌چاره‌سه‌ر کردنی نه‌خۆشی به‌هۆى ڕۆژووه‌وه، وه‌ک (نه‌خۆشیه‌کانی په‌یوه‌ست به‌خوێن و مۆخ و زه‌هایمه‌ر و شه‌له‌ل .....)
لێکۆڵینه‌وه‌که ئه‌وه‌ی سه‌لماندوه که ڕۆژوگرتن بۆ ماوه‌ی دوو ڕۆژ ده‌بێته که‌مبونه‌وه‌ی کالۆری، ئه‌مه‌ش ده‌بێته هۆى زیادبوون و چالاک بوونی ئه‌و خانانه‌ى که ده‌بنه هۆى چالاککردنى مێشک.
هه‌ر به‌پێی توێژینه‌وه‌که به‌ڕۆژوبوون، بۆ ماوه‌یه‌کی درێژخایه‌ن وه‌ک (10) ڕۆژ و له‌گه‌ڵیدا به‌ربانگ کردنه‌وه به‌سیسته‌مێکی خۆراکی ڕێک و پێک که به‌شێکی زۆر سه‌وزه‌ی له‌گه‌ڵ بخورێت، ده‌بێته هۆى ئارام بوون و نه‌مانی ئازاری جومگه‌کان و چاره‌سه‌ر بۆ نه‌خۆشیه‌کانی دڵ.
هه‌روه‌ها ڕۆژوگرتن بۆ ماوه‌ی (12) ڕۆژ باشترین چاره‌سه‌ره بۆ ئه‌وانه‌ی که نه‌خۆشی زه‌ختی خوێنیان هه‌یه .
به‌پێی توێژینه‌وه‌که ڕۆژوگرتن بۆ ماوه‌ی یه‌ک مانگ ده‌بێته هۆی ڕێگرتن له توش بوون به نه‌خۆشی شه‌کره و ده‌بێته هۆى چاره‌سه‌رى ئه‌و نه‌خۆشیه به‌ڕێژه‌ى (40%)، چونکه لاشه جۆرێک کۆلیستڕۆڵ ده‌رده‌کات که‌چه‌ورى وه‌ک سه‌رچاوه‌ی وزه به‌کار ده‌هێنرێت له‌جیاتی گلوکۆز، ئه‌مه‌ش ده‌بێته هۆى توانه‌وه‌ی خانه‌کانی چه‌ورى له‌ش .
له‌به‌شی کۆتایی توێژینه‌وه‌که‌دا ئاماژه ده‌کات به‌گاریگه‌رى ڕۆژوو له چاره‌سه‌ری نه‌خۆشی شێرپه‌نجه، ڕۆژوو هه‌مان کاریگه‌رى ده‌رزیه کیمیاوییه‌کانی هه‌یه له‌چاره‌سه‌رکردنی نه‌خۆشی شێرپه‌نجه‌ی مه‌مک و پێست و مۆخ .
به‌پێی دیراسه‌یه‌کی یابانی که له‌سه‌ر (380) نه‌خۆش کراوه که به‌ده‌ست نه‌خۆشییه ده‌رونیه‌کانه‌وه ده‌ناڵێنن سیسته‌مێکی ڕۆژوگرتنیان بۆ دانان بۆ ماوه‌ی (110) ڕۆژ و پاشتر له ئه‌نجامدا بۆیان ده‌رکه‌وت که به‌ڕیژه‌ى (87%) چاره‌سه‌ریان بۆ کرا .