ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
نامه‌ى باوکێک بۆ کچه‌که‌ى
له فارسییه‌وه به ده‌ستکارییه‌وه:
سومه‌یه سه‌رگه‌تی
کچه‌که‌م سلآو ..
سه‌حه‌ر گیان! له هه‌لومه‌رجێکی وادا ئه‌م نامه‌یه‌ت بۆ ده‌نووسم، که سه‌رتاپاى بوونم پڕه له خۆشه‌ویستی و به‌جۆش کڵپه‌ى دێت بۆت، له‌به‌رئه‌وه‌ى توانیوته به‌سه‌ر هه‌ندێ له کێشه‌کانتدا زاڵ بیت و له گۆڕه‌پانی ژیان و پێچ و په‌نای رووداوه‌کاندا کاردانه‌وه‌ى ئیجابیت هه‌بێت، به‌م کاره منت زۆر خۆشحاڵ کردووه، به ئه‌ندازه‌یه‌ک، که هه‌ست به له‌خۆباییبوون بکه‌م.
کچی شیرینم..! بزانه که گه‌وره‌ترین کلیلی سه‌رکه‌وتن له ژیاندا، ئه‌وه‌یه که خۆت بیت، نه‌ک که‌سی تر و وه‌ک که‌سی تر و له که‌سی تردا.
کچی ئازیزم..! ئامۆژگاریت ده‌که‌م پێش هه‌ر کارێک وێنایه‌کی روونت هه‌بێت بۆ ئامانجه‌کانت و به دیدگایه‌کی رۆشنه‌وه ده‌ست پێبکه، پاش گه‌یشتنیش به‌وه‌ى که ویستووته به‌رنامه‌ڕێژییه‌کی دروستی بۆ بکه و پلان دابنێ بۆ به‌رنامه‌ى کارت، تا به سه‌رکه‌وتنت له‌و کاره و قۆناغه‌دا فێری هونه‌رى سه‌رکه‌وتن ببى، بۆ هه‌نگاوه‌کانى داهاتووش بتوانى خۆت ئاماده بکه‌ى، چونکه به‌م هۆیه‌وه ده‌توانى پشت به خۆت ببه‌ستى و ببیته سه‌رمه‌شق بۆ که‌سانی تر و سودیان پێ بگه‌یه‌نی، ئه‌وه‌ش بزانه که ژیان به‌بێ ئامانج دووباره‌کردنه‌وه‌ى رابردووه.
----------
سه‌رچاوه:
ماڵپه‌ڕی نوگه‌را