ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چه‌ند رێنماییه‌ک بۆ خه‌وێکی خۆش و ئاسوده بۆ منداڵ
ن/ ره‌شید موحه‌مه‌دی – پسپۆری په‌روه‌رده‌یی
و/ فاتمه ئه‌دهه‌م – خورماڵ
١- به‌داخه‌وه هه‌ندێک له‌دایک و باوکان بۆ جوانکردن و رازاندنه‌وه‌ى ژوورى منداڵه‌کانیان بووکه‌ڵه و حه‌یواناتی ترسناک داده‌نێن و، یان وێنه‌ى ئاژه‌ڵی ترسناک و له‌و بابه‌تانه هه‌ڵده‌واسن له‌ژوورى منداڵه‌کانیان، ئه‌مه‌ش هۆکاره بۆ نه‌خه‌وتنی منداڵ له به‌ترسانی له‌و شتانه و خه‌یاڵ و بیرکردنه‌وه‌ى ترسهێنه‌ر بۆ خۆى، له‌به‌ر ئه‌مه ده‌ست ده‌کات به‌بیانووی جۆراوجۆر بۆ ئه‌وه‌ى نه‌خه‌وێت، بۆیه پێویسته ئه‌م جۆره وێنه و بوکه‌لآنه له‌ژوورى منداڵدا دانه‌نرێن.
٢- هیچ کات له‌لای منداڵ نابێت سه‌یری فیلمی ترسناک بکرێت و چیرۆک و یان بیره‌وه‌رى ترسناک بۆ منداڵ یان له‌لای ئه‌و باس بکرێت و بگێردرێـته‌وه، چونکه
دواى بیستنی یان بینینی ئه‌و شتانه منداڵ خه‌وی لێ ناکه‌وێت، ئه‌گه‌ریش بخه‌وێت خه‌ونی ئاڵۆز ده‌بینینێت، ئه‌وه‌ش بزانین که سه‌یرکردنی فیلمى ترسناک کاریگه‌رى زۆرترى ده‌بێت له چیرۆکی ترسناک، له‌به‌رئه‌وه‌ى به‌چاوی خۆى ده‌یبینێت.
٣- پێویسته منداڵ پێش خه‌وتنی ببرێت بۆ ته‌والێت، چونکه مانه‌وه‌ى میز له له میزڵدانی دا ده‌بێـته هۆى گوشاری ده‌روونى و جه‌سته‌یی بۆی و له نیوه‌ى شه‌ودا به‌خه‌به‌ر دێته‌وه‌و ده‌بێـته هۆى بینین خه‌ونی ئاڵۆز.
واباشتره پێش خه‌وتنی منداڵ به‌ئاوی شله‌تێن منداڵ بشوردرێت، هه‌روه‌ها شتنی ده‌م و ددانی نابێـت فه‌رامۆش بکرێـت بۆ ئه‌وه‌ى به‌ئارامی خه‌وى لێ بکه‌وێـت و خه‌وی خۆش بکات.
٤- هه‌ندێک له مندالآن له تاریکی و ته‌نهایی ده‌ترسن، باشتر وایه له ژوورى منداڵ روناکیه‌کی گونجاوی تێدا بێت نه‌وه‌کو ئه‌وه‌نده‌ش روناک بێت که لێی بترسێت و زیان به‌چاوی بگه‌یه‌نێت.
٥- ئامۆژگاری دایکان و باوکان ده‌کرێت به‌وه‌ى که‌هیچ کات بۆ خه‌واندنی منداڵه‌کانیان په‌نا نه‌به‌نه به‌کارهێنانی ده‌رمانی خه‌وهێنه‌ر.
٦- هه‌وڵ بده‌ن با نێوان خواردنی ئێواران و خه‌وتن به‌لایه‌کی که‌مه‌وه به‌دوو کات ژمێر نێوانیان بێـت و تاوه‌کو بکرێت ژه‌می ئێواره سوک بێت شتی قورس لێ نه‌نرێـت.
==========
سه‌رچاوه:
راه موفقیت