ماڵپەری قورئانی پیرۆز

نووسینی :هارون نوح طه
کتێبخانه‌ى کوردى

زۆر جار ئیمامی أبو حنیفه‌ به‌ره‌نگاری جۆره‌ها هه‌ڵوێستو ده‌مه‌قاڵی بووه‌ له‌ نێوان خۆیو که‌سانێکی دوور له‌ دینو به‌رنامه‌ی خوا. ڕۆژێکیان دانیشتبوو له‌ شوێنه‌که‌ی خۆی له‌ ناکاو هه‌ندێ پیاوی چه‌کداری لێ به‌ژوورێ که‌وتن که‌ شمشێره‌که‌یان له‌سه‌ر ده‌ستیان بوو ده‌یانویست بیکوژن.

به‌لآم ئیمامی حه‌نه‌فی ویستی دانیشتنیان له‌گه‌ڵ بکاتو هه‌ندێ پرسیاریان لێ بکات ئه‌گه‌ر جوابیان دایه‌وه‌ ڕێگه‌یان پێ بدات بۆ مه‌به‌ستیان. پێی ووتن پرسیارێکم هه‌یه‌ وه‌لآمی بده‌نه‌وه‌ ئینجا ئه‌وه‌ی ده‌تانه‌وێت بیکه‌ن ووتیان به‌ ئیمام کوا پرسیارت بیکه‌ ئیمام فه‌رموی چ ده‌ڵێن سه‌باره‌ت به‌ که‌سێک که‌ پێتان بڵێ من که‌شتیێکی بار هه‌ڵگرم بینی که‌ پڕبوو له‌ شتی قورسو گران له‌ ناکاو شالآوی ده‌ریا لێیداو بای به‌هێزیش له‌و لاو له‌م لا بردی ئه‌م که‌شتیه‌ش له‌نێو ئه‌م شه‌پۆڵو بایه‌که‌دا ڕاستو ڕه‌وان ده‌ڕۆیشت بێ ئه‌وه‌ی که‌س شوفێری بکاتو که‌سیش یارمه‌تی بداتو ڕزگاری بکات له‌م به‌لآیه‌ ئایا شیاوه‌ له‌گه‌ڵ عه‌قڵی ئینسان که‌ ئه‌م که‌شتیه‌ هیچی به‌سه‌ر نه‌یه‌ت؟ ووتیان نه‌خێر عه‌قڵی ساغ ئه‌م شته‌ وه‌رناگرێ بێ گومان نقوم ده‌بێ نه‌فه‌ره‌کانیشش ده‌ ئاوێ ده‌که‌ون. ئیمام فه‌رموی یا سبحان الله، که‌ عه‌قڵ وه‌رینه‌گرێ که‌شتیه‌ک بڕوات له‌ نێو ده‌ریا به‌بێ شوفێرو یارمه‌تی دانی که‌سێک. چۆن ده‌بێ ئه‌م دونیایه‌ ڕاوه‌ستێ به‌ گۆڕانکاری گه‌رماو سه‌رماو شه‌وو ڕۆژو ئاوو ئاگرو ده‌ریاو زه‌ریا به‌بێ خاوه‌ن که‌ سه‌رپه‌رشتی بکاتو بی پارێزێ.
که‌ ئه‌مه‌یان بیست له‌ ئیمام له‌به‌رامبه‌ر ئه‌م قسه‌ پڕ له‌ ئامۆژگاریو زانایانه‌دا نه‌یانتوانی هیچ بکه‌ن ته‌نها ئه‌وه‌نده‌ نه‌بێ به‌ ملکه‌چی ووتیان ڕاست ده‌که‌یت ئه‌ی ئیمام.