ماڵپەری قورئانی پیرۆز

م.حيدر محمد
١- قورئان خۆێن دەبێت بەتەواوی خۆی بۆ خوا یەکلابکاتەوە و لەبەر خوا و بەدەستھێنانی رەزامەندی ئەو قورئان بخوێنێ .
قال سبحانه: (وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ) {البينة:5}
٢- پاک و خاوێنییەکی تەواو لەناوەوە و دەرەوەی خۆی، واتە دڵی خۆی پاک بکاتەوە لە ھابەشی دانان بۆ خواو  ڕق و حەسودی و دڵپیسی، ھەروەھا جەستە و جلو بەرگی خۆی خۆی پاک بکاتەوە لە ھەموو پیسیەک.
٣- ھەڵبژاردنی کات و شوێنێکی گونجا و لەبار، کە دوور بێت لە ھەراو ھۆریاو دەنگەدەنگ و ژاوەژاو، بە تایبەتی لە شوێنی قەڵەبالغ، بەڵکو قورئان خوێن دەبێت ئەو کاتانە ھەڵبژێێ کە سودی دەبێت بۆ باشتر بیستنی قورئان و زیاتر بیرلێ کردنەوەی، وەکو لە نیوەی شەو لە کاتی شەو نوێژ و دوای نوێژی بەیانیان و لە نێوان مەغریب و عیشا و دوای نوێژی عیشا.
( وقران الفجر* ان قرأن الفجر كان مشهودا)

٤- قورئان خوێن دەبێت ئاگای لەوە بێت کە دانیشتنی لەگەل قورئان لە خۆشەویستی و شەوقی خوای گەورەیە نەک لەبەر ئەوەی بێ ئیشە یان کاتی زۆرە.

٥- ئامادەکردنی دڵ و چاو گوێ و بیر و ھۆش لەکاتی قورئان خوێندن بۆ ئەوەی بەتەواوی بۆ خوا یەکلاببێتەوە .
٦- بیرکردنەوە و  تێگەیشتن و  رامانی قوڵ لە ئایەتەکان.
٧- خوێندنی قورئان بە خۆشترین دەنگ و جێ بە جێ کردنی یاساکانی تەجوید بەتەواوی.
٨- دانیشتن لەبەرامبەر قورئان بەجوانترین شێوە و رووکردنە رووگە(قیبلە).
٩- لەسەرەتای دەست پێکردن پەنابردن بۆ خوا بۆ خۆپاراستن لە شەیتان و دەستپێکردن بەناوی خوا.
(اعوذبالله من الشيطان الرجيم* بسم الله الرحمن الرحيم)
١٠- کرنۆش بردن بۆ خوا لەوشوێنانەی کە قورئان داوای کرنۆشبردن دەکات، خوێندنی ئەم دوعایە.
(سجد وجهي للذي خلقه وشق سمعه وبصره بحوله وقوته سبحان الله احسن الخالقين)
١١- گریان لە کاتی قورئان خوێندنەکە، ئەگەر نەگریایت خۆت بگریێنە. بە تایبەتی لەو شوێنانەی باسی عەزابی خوا و ئاگری دۆزەخ دەکەن.
١٢- قورئان خوێن ھەوڵ بدات لە نێوان (٣٠ تا ٤٠ ) رۆژ خەتمێکی قورئان بکات.
١٣- سیواک کردن پێش قورئان خوێندن و دوای قورئان خوێندن.
١٤- باشترە قورئان خوێندن بە ختم بێت نەوەک بە شێوەی پچرپچر و ھەر رۆژەی لە شوێنێک.
١٥ -خوێندنی قورئان لەسەر قورئان خێری زیاترە لەوەی لەبەر بیخوێنی، چونکە ھەر تەماشاکردنی قورئان خۆی بە عیبادەت قبوڵ دەکرێت.
١٦- خوێندنی قورئان دوای دەستنوێژ گرتنێکی جوان، نابێ لەکاتی تەنگاوی قورئان بخوێندرێ ئەگەر دەتنوێژیش ھەبوو، وەکو ئەدەبێک بۆ قورئان.
١٧ - خوێندنی دوعای خەتمی قورئان لە کۆتایی خەتمی قورئاندا.