ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌وشتانه‌ى باش نییه له‌ڕۆژوودا بکرێن:
ئاماده‌کردنى : دلاوه‌ر کوردى
هه‌ندیک شت هه‌یه مرۆڤى ڕۆژوه‌وان باش نییه ئه‌نجامیان بدات ئه‌گه‌ر بۆى بگونجێت چونکه (مه‌كروهه) به کردنیان مرۆڤ تاوانبار نابێت به‌ڵام به نه‌کردنیان پاداشت و خێرى ده‌ست ده‌که‌وێت, لێره ئاماژه به هه‌ندێک له‌و شتانه ده‌که‌ین که (مه‌كروهه) :
١- خۆشتن به بێ مه‌به‌ست و پێویست ٠
٢- خوێن گرتن ٠
٣- ماچ کردنى ئافره‌ت له‌لایه‌ن پێاوه‌که‌یه‌وه ئه‌گه‌ر ترسا ئه‌م ماچ کردنه سه‌ر بکێشێت بۆ کارى تر ئه‌وه حه‌رامه خاتوو عائیشه ده‌فه‌رمووێت ( کان رسول الله صلى الله علیه وسلم یقبل وهو صائم و یباشر وهو صائم و لکنه کان املککم لا ربه ) رواه احمد واته: پێغه‌مبه‌ر درودى خواى له‌سه‌ر بێت ماچى ده‌کرد به ڕۆژوو بوو و نزیکى ده‌کرد به ڕۆژوو بوو, به‌ڵام ئه‌و ئه‌توانێت نه‌فسى خۆى بگرێت ٠
٤- تام و چێژى و خۆشى وه‌رگرتن به بیستن, بۆن کردن, چه‌شتن, ده‌ست لێدان به‌ڵام ئه‌گه‌ر که‌سێک چێشتلێنه‌ر بوو ئه‌توانێت چێشتکه‌ى بچه‌ژێت پێغه‌مبه‌ر درودى خواى له‌سه‌ر بێت ده‌فه‌رمووێت (لاباس ان يذوق الخل او الشيء مالم يدخل حلقة وهو صائم ) رواه البخاری , واته: قه‌ینکا ڕۆژووه‌وان سرکه یا هه‌ر شتێکى تر بچه‌ژێت به‌و مه‌رجه‌ى نه‌چێته قوڕگه‌وه ٠
٥- زۆر ڕۆنه‌چوون له ئاوڕادانه ده‌م و لوت چونکه پێغه‌مبه‌ر درودى خواى له‌سه‌ر بێت ( بالغ في الا ستنشاق الا ان تكون صائما ) رواه ابو داود واته: زۆر ئاو ڕابده له ده‌م ولووتت مه‌گه‌ر به‌ڕۆژوو بیت ٠
٦- سیواک کردن له پاش نیوه‌ڕۆوه هه‌رچه‌نده ده‌توانرێت له درێژیى ڕۆژدا به‌کار بهێنرێت, چونکه پێغه‌مبه‌ر درودى خواى له‌سه‌ر بێت ده‌فه‌رمووێت : ئه‌گه‌ر له‌به‌ر ئه‌وه نه‌بوایه که قورس ده‌بوو له‌سه‌ر ئومه‌ته‌که‌م ئه‌وا فه‌رمانم ده‌کرد به سیواک کردن له‌گه‌ڵ هه‌موو ده‌ست نوێژێک ٠