ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
کاریگه‌رى رۆژووگرتن له‌مانگى پیرۆزى ره‌مه‌زان له‌رووى ته‌ندروستیه‌وه له‌سه‌ر ئافره‌تى دووگیان چییه ؟
ـ خوای په‌روه‌ردگار له ڕێگای ئاینی پیرۆزی ئیسلام و به سه‌رپه‌رشتی پێغه‌مبه‌ر (ص) رێو ڕه‌سمی گشتبۆنه‌کانى بۆ مرۆڤ دیاریکردووه , مانگی ره‌مه‌زانیش که تایبه‌تمه‌ندیه‌کی زۆری هه‌یه له لای خوای په‌روه‌ردگار و موسڵمانان , ئاینى پیرۆزى ئیسلام له‌م مانگه‌شدا تایبه‌تمه‌ندی جه‌سته‌یی ئافره‌تى ره‌چاوگرتووه به‌تایبه‌تى دایکانى دووگیان له‌کاتى به‌رۆژووبووندا .
ـ (د.حسن نصرت) و (د.منصور سليمان) له زانکۆى (شا عبدالعزيز) له ووڵاتى سعودیه توێژینه‌وه‌یه‌کیان سازدا له‌سه‌ر کاریگه‌ریی رۆژووى ره‌مه‌زان له‌سه‌ر ئاستى پرۆجیستیرۆن و پرۆلاکتین له پلازماى خوێندا, ئه‌ویش بۆ چه‌ند ئافره‌تێکى ته‌ندروست ئه‌نجامدرا که ته‌مه‌نیان له نێوان (22-25) ساڵدا بوو, به مه‌به‌ستى دیارى کردنى کاریگه‌ریی رۆژووى ره‌مه‌زان له‌سه‌ر فیسیۆلۆژى وه‌چه خستنه‌وه له‌لاى ئافره‌ت.
ئه‌نجامه‌کان ده‌ریانخست که ٨٠%ى ئه‌و ئافره‌تانه ئاستى پرۆلاکتین که هۆرمۆنى زیاد کردنى ده‌ردانى شیره له ئافره‌تى شیرده‌ردا و وه‌چه خستنه‌وه‌ش راده‌گرێت له پلازمای خوێنیاندا دابه‌زیوه , به‌ڵام ئاستى پرۆجیستیرۆن نه‌گۆڕا, هه‌ردوو توێژه‌ره‌وه‌که ئامۆژگارى ئافره‌تى شیرده‌ریان به رۆژوو شکاندن کرد لێره‌دا حیکمه‌تى شه‌رعى پیرۆزمان بۆ ده‌رده‌که‌وێت که بوارى داوه به ئافره‌تى شیرده‌ر که رۆژوو نه‌گرێت.
ئه‌م توێژینه‌وه‌یه دووپاتى گرنگى رۆژوو گرتن ده‌کاته‌وه بۆ چاره‌سه‌رى نه‌زۆکى له ئافره‌تدا که هۆکاره‌که‌ى بریتى بێت له زیاد بوونى هۆرمۆنى (ثرؤلاكتين), چونکه به‌هۆى رۆژووه‌وه رێژه‌که‌ى که‌م ده‌کات و ئه‌و ئافره‌ته ده‌گه‌ڕێته‌وه بۆ باری ئاسایی خۆى له وه‌چه خستنه‌وه‌دا.