ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خوا په‌رستێک له بغداد(چیرۆك) به‌شی یه‌كه‌م
نووسینی / هارون نوح طه
كتێبخانه‌ی محوی
أحمدی کوری یحیى الجلآو. ده‌ڵێ گوێم له باوکم بوو ووتی ڕۆژێک له مه‌جلیسی (معروف) بووم له‌ناکاو پیاوێک هات ووتی ئه‌ی أبو محفوظ. ئه‌م شه‌و شتێکی سه‌یرم بینی ووتی چیت بینی بڵێ؟ ڕه‌حمه‌تی خوات لێ بێ.
ووتی ماڵو خێزانم داوایان لێکردم که ماسی بکڕم بۆیان چووم بۆ بازاڕ ماسیم کڕیو هه‌ڵمگرت له‌گه‌ڵ حه‌مباڵێک ئه‌ویش له‌گه‌ڵم ڕۆیشت به‌ره‌و ماڵێ که‌وتینه ڕیگا.
که گوێی له بانگی نیوه‌ڕۆ بوو، ووتی: مامه ئه‌رێ نوێژه‌که‌مان نه‌که‌ین؟ وه‌کو ئه‌وه‌بوو که بێدارم بکاته‌وه. منیش ووتم به‌ڵێ ده‌یکه‌ین. ئینجا حه‌مباڵه‌که شته‌کانی داناو ماسیه‌که‌شی له‌سه‌ر دانا له شوێنێک که جێگای حه‌سانه‌وه بوو. منیش به خۆم ده‌ووت ئه‌م منداڵه به شته‌که‌ی خۆی سه‌خی تر بوو ل
ه‌من بۆ ماسی، هه‌ر که چاوم لێ بوو چووه ناو مزگه‌وت، نوێژی سونه‌تی ده‌کرد تاکو بانگده‌ر قامه‌تی کرد، ئینجا نوێژی نیوه‌ڕۆمان کردو ئه‌ویش له پاش نوێژ هه‌ندێ نوێژی کردنو ده‌رچووین.
بینیم شته‌که‌ی وه‌کو خۆی داندراوه یه‌کسه‌ر چوومه ماڵی خۆمو باسی ئه‌م پیاوه‌م بۆ گێڕانه‌وه. ووتیان هه‌ڵسه بڕۆ پێی بڵێ بابێت له‌گه‌ڵمان ئه‌م ماسیه بخوات. منیش پێم ووت بۆ ناێی بۆ ماڵمان نان بخۆیت؟ ووتی به ڕۆژووم، ووتم له لای ئێمه ئێواره فتار بکه‌وه، ووتی باشه ڕێگای مزگه‌وتم پێ نیشان بده‌ن.تاکو نوێژی مه‌غریبمان له مزگه‌وت کرد چوومه لای ووتم با بڕۆین بۆ ماڵێ نان بخۆین ڕه‌حمه‌تی خوات لێ بێت. ووتی نوێژی عیشا نه‌که‌ین ئه‌وجا بڕۆین؟