ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌ره‌تا گه‌ردوون چۆن ده‌ستى پێکردووه؟
م. ناصح ابراهیم سازانى
پێویسته له‌سه‌ر هه‌موو مرۆڤێکى هۆشیار بیربکاته‌وه و له خۆی بپرسێت: سه‌ره‌تا گه‌ردوون چۆن ده‌ستى پێکردووه؟ به‌دیهێنه‌رى کێ بوو؟ من کێم و بۆچى به‌دیهاتووم؟ ئه‌رک و فه‌رمانم چییه له‌م سه‌ر زه‌وییه‌دا؟ په‌یام و به‌رنامه‌م چییه له ژیاندا؟
.
هه‌رکه مرۆڤ بیرو هۆشى کرده‌وه ئه‌م پرسیارانه دێن به مێشکیدا, داواى وه‌لآمێکى شیاوى لێده‌که‌ن, بۆیه پێویسته بیرو هۆشی خۆی بخاته‌گه‌ڕ بۆ وه‌لآمى ئه‌م پرسیاره گرنگانه‌و بگه‌ڕێت به‌دواى وه‌لآمێکى گونجاودا بۆیان, چونکه زۆر شوره‌ییه بۆ مرۆڤ که خواى گه‌وره بیرو هۆشی داوه‌تێ به‌لآم ئه‌و نه‌یخاته‌گه‌ڕو بیرێ نه‌کاته‌وه له سه‌ره‌نجامى خۆی, به‌بێ ئاگایى وه‌ک ئاژه‌ڵ بژى بۆ خواردن و خواردنه‌وه و رابواردن, هیچ شتێک نه‌زانێت ده‌رباره‌ى نه‌فس و کارو بارو فه‌رمانى خۆى, تا له ناکاو مردن یه‌خه‌ى پێده‌گرێت, ئه‌و کاته پێشوازى له سه‌ره‌نجامى نادیارى خۆى بکات به‌بێ ئه‌وه‌ى خۆی بۆ ئاماده‌کردبێ, به‌رهه‌مى تاڵى بێ ئاگایى و لادان له رێى راست و کاره دزێو و ناڕه‌واکانى ژیانى کورتى دنیاى کۆده‌کاته‌وه, جا ئه‌و کاته په‌شیمان ده‌بێته‌وه, که په‌شیمانى دادى نادات و هیچ فریاى ناکه‌وێ و ده‌رباز بوونى بۆ نیه, مه‌گه‌ر که‌سێک خوا بۆ خۆى ره‌حمى پێبکات.
بێگومان ئه‌و پرسیارانه‌ى که له پێشه‌وه کران هه‌ر ده‌بێت وه‌لآم بدرێنه‌وه بۆ ئه‌وه‌ى مرۆڤ بزانێت کێیه و له کوێوه هاتووه؟ بۆچى به‌دیهاتووه؟ سه‌ره‌نجامى به‌ره‌و کوێیه؟ له‌دواى ته‌واوکردنى ئه‌م ته‌مه‌نه کورته چى رووده‌دات؟!.