ماڵپەری قورئانی پیرۆز

نوسینى/ئه‌ندازیار عوسمان
    حه‌زره‌ت (ص)ده‌فه‌رموێ (إنَّىِ فرَطُكُمْ على الحوضِ مَنْ مرَّ علىَّ شَڕبَ , ومَنْ شَڕبَ لم يظمأ أبداً ، لَيَڕدَنَّ علىَّ أقوامُ أعْرفُهُمْ ويَعْرفُونَني ثَمُّ يُحالُ بينى وبينَهُمْ ، فأقول : إنَّهم منَّي ، فُيقال : إنَّك لاتَدْري ما أحْدَثوا بَعْدَك ، فأقول : سُحْقاً لَمِنْ غَيَرَ بَعْدي .. )
    واته‌ : له‌قیامه‌ت دا له‌سه‌رحه‌وزى که‌وسه‌ر ده‌بم و هه‌رچى به‌لامدا تێپه‌ڕێت ئاو ده‌خواته‌وه‌و هه‌ر که‌سیش له‌و ئاوه‌ بخواته‌وه‌ هه‌رگیز تینووى نابێت , که‌سانێک دێن ده‌یانناسم و ئه‌مناسن , که‌چى ناهێڵرێت ئاویان بده‌مێ و دوور ده‌خرێنه‌وه‌ لێم , ده‌ڵێم : ئه‌وانه‌ له‌منن و , سه‌ربه‌منن , ده‌وترێ : تۆنازانى چییان کردووه‌ دواى تۆ ، منیش ده‌ڵێم : ده‌ که‌واته‌ له‌وه‌ له‌ولاترچێ , له‌وه‌ له‌ولاترچێ , که‌سێک که‌ دواى من بگۆڕدرێ و لابدات ..  (بوخارى).

    به‌ڕاستى ئه‌وه‌یه‌ ڕه‌نجه‌ڕۆیی و به‌دبه‌ختى , خه‌ریک بیت بگه‌یته‌ لاى حه‌زره‌ت (ص)و , به‌ده‌ستى موباره‌کى ئاوى که‌وسه‌رت بداتێ , بتگێڕنه‌وه‌و پێت بڵێن : تۆشایسته‌ى ئه‌وه‌نیت له‌وئاوه‌ بخۆیته‌وه‌ , حه‌زره‌تیش (ص)ده‌ستى بگێڕێته‌وه‌و بفه‌رموێ : بابڕوا له‌وه‌ له‌ولاترچێت ! که‌سێک حه‌زره‌ت (ص)لێ ى زویربێت و خۆى نه‌کات به‌خاوه‌نى , ئه‌ى ده‌بێ چى بکات و سه‌رى خۆى بۆکوێ هه‌ڵگرێت ؟ !