ماڵپەری قورئانی پیرۆز

غه‌یلان: که‌ هاوڕێی سڕی سقگی بوو. ده‌ڵێ: سڕی سقگی قوتابیه‌کی ئافره‌تی هه‌بوو، منداڵێکی کوڕیشی هه‌بوو، له‌لای مامۆستایه‌کی دانا که‌ فێری نووسین بێت. 

ڕۆژێک مامۆستا کوڕه‌که‌ ده‌نێرێته‌ سه‌ر ئاو بۆ جآبه‌جێ کردنی کارێکی خۆی، منداله‌که‌ له‌ ئاوێ ده‌که‌وێو ده‌خنکێ. مامۆستا یه‌کسه‌ر دێته‌ لای سڕی سقگی ڕووداوه‌که‌ی پێ ده‌ڵێ، سڕی سقگی ده‌ڵێ: بڕۆن با بچین بۆ لای دایکی.

ده‌ڵێ ڕۆیشتن بۆ لای دایکی منداڵه‌که‌ى، له‌ لای دانیشتنو سڕی سقگی هه‌ندێ قسه‌ی سه‌باره‌ت به‌ سه‌برو ئارامگرتن کرد، ئینجا که‌مێک باسی ڕازی بوونی کرد. دایکی منداڵه‌که‌ش به‌لای سه‌یر بوو بۆچی به‌م شێوه‌یه‌ ئه‌م بابه‌تانه‌ باس ده‌کات. ووتی به‌ سڕی سقگی ئه‌ی مامۆستا: مه‌به‌ستت چییه‌

له‌م جۆره‌ قسانه‌؟ ووتی: کوڕه‌که‌ت له‌ ئاوێ که‌وتو خنکا. ژنه‌که‌ ووتی کوڕی من.....؟ ووتی: به‌ڵێ. ئافره‌ته‌که‌ ووتی نه‌خێر خوا ئه‌م جۆره‌ شتانه‌ ناکات. ئینجا سڕی سقگی دووباره‌ باسی سه‌بری بۆ کرد –وای زانی که‌ حاڵی گۆڕا. ئافره‌ته‌که‌ ووتی: بڕۆن با بچینه‌ شوێنه‌که‌. ڕۆیشتن تاکو چوونه‌ سه‌ر ڕووباره‌که‌، ووتی: کوا کوڕه‌که‌م له‌ کوێ که‌وته‌ ناو ئاو....؟ ووتیان لێره‌.

ئافره‌ته‌که‌ له‌ پێش چاوی هه‌مووان به‌ ده‌نگێکی به‌رزه‌وه‌ هاواری کردو گوتی: کوڕم م م م م م محمد.

منداڵه‌که‌ وه‌لآمی دایکی دایه‌وه‌ ووتی: به‌ڵێ دایه‌.

ئافره‌ته‌ چووه‌ نێو ڕووباره‌که‌ ده‌ستی کوڕه‌که‌ی ڕاکێشساو هێنایه‌وه‌ ماڵێ. 

ده‌ڵێ: سڕی سقگی به‌ جنیدی بغدادی ووت: ئه‌وه‌ چی بوو ڕوویدا؟ جنید ووتی: منیش وه‌کو سڕی سقگی قسه‌ ده‌که‌م. ئه‌م ئافره‌ته‌ که‌ بێ ئاگا نه‌بوو له‌ خوا هه‌میشه‌ خوای له‌ دڵدا بوو، خواش وا بڕیار ده‌دات که‌ ئاگای له‌ ئه‌و بێتو چاودێری ده‌کات.