ماڵپەری قورئانی پیرۆز

د.دلشاد احمد
ئەم سورەتە باسی ئەو ھیرشە ناڕەوایە دەکات کە پاشای حەبەشە ویستی بیکاتە سەر کەعبەی پیرۆز و شاری مەککە بەمەبەستی ڕوخاندنی کەعبە و مالی خوا،بەلام سورەتەکە زۆر بە جوانی باسی چۆنیەتی تیکشکانی ھیزەکانی حەبەشە دەکات بە شیوازێکی بەلاغی زۆر جوان و سەرنج ڕاکیش!!

سەرەتا بە شیوازی پرسیار دەست پێدەکات دەفەرموێ ( الم تر کیف فعل ربک باصحاب الفیل) لە زمانی عەرەبی بەو جۆرە برسیار کردنە دەوتریت(استفھام تقریری) واتە ئەوەی بەرامبەر دەبی بلێ بەڵێ وایەو راستە!! چونکە پرسیارە ئاراستەی بێغەمبەری خوا کرایە ئایا نەتبینی خوای گەورە چی بەسەر ھاوەلانی فیل ھینا کاتیک ویستیان وابوو بین کەعبە برۆخینن!!پاشان بەشێوازیکی تری پرسیار دەفەرموی ( الم یجعل کیدھم فی تضلیل) لیرەدا بەلاغەیەکی زۆر جوان ھەیە، خوای گەورە نەیفەرمووه‌ (الم یجعل حربھم یا ھجومھم...) بەڵکوو باسی فێڵبازی ئەوانی کردوە چونکە ھاتنی وان لە جەنگ گەورەتر بوو ویستیان وابوو کەعبە بروخینن!!پاشان دەفەرموێ ( وارسل علیھم طیرا ابابیل ترمیھم بحجارە من سجیل) واتە چەندین بالندەی بۆ ڕەوانە کردن و بەردی تیکەل بە قوریان ئاراستەی ھێزەکە کرد لیرەدا ئەوە گرنگە خوای گەورە بە (فعل مضارع) (ترمیھم )باسی کردیە واتە دیمەنەکە وەک ئەوە وایە بەچاوی خۆت بیبینی و لە پیش چاوت بێت، ئەوەش خۆی لەخۆیدا کاریگەری زۆر زیاترە چونکە (فعل مضارع ) زەمه‌نەکەی رانەبردوە جیایە لەگەل زەمەنی رابردوو، واتە شتەکە یا رووداوەکە ئیستا روودەدات، پاشان دەفەرموێ ( فجعلھم کعصف مأکول) واتە وەکوو بەلک و پاشماوەی کشتوکاڵیان لێھات لیرەشدا نەیفەرموو بوونە دار یا گیا و شتی تر، بەلکوو فەرمووی (عصف) ئەوەش لەزمانی عەرەبی واتە ئەو پاشماوە خوراوەی کە لەدوای مەر و مالات و گیانلەبەران دەمینیتەوە کە دەچنە سەر زراعەت و کشتوکال، کەواتە لێرەش خوای گەورە دیمەنەکە زۆر بە جوانی نیشان دەدات و بە شیوەیەک کە کاریگەری تەواوی ھەبێت لەسەر ئەوانەی کتابی خوا دەخویننەوە..واته ئه‌و هیزه تیکشکانیکی زۆر به‌هیزیان به‌سه‌ر داهات..