ماڵپەری قورئانی پیرۆز

ئاماده‌کردنى : دلاوه‌ر کوردى
وه‌ڵام/فه‌رزه‌ له‌سه‌ر هه‌مو موسوڵمانێکى خاوه‌ن توانا که‌وا له‌ ژیانیدا لاى که‌مى جارێک حه‌جى ماڵى خواى گه‌وره‌ بکات له‌ مه‌ککه‌ ٠
خواى گه‌وره‌ ده‌فه‌رموێت: [إِإِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكاً وَهُدًى لِّلْعَالَمِينَ [ 96]فِيهِ آيَاتٌ بَيِّـنَاتٌ مَّقَامُ إِبْرَاهِيمَ وَمَن دَخَلَهُ كَانَ آمِناً وَلِلّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً وَمَن كَفَرَ فَإِنَّ الله غَنِيٌّ عَنِ الْعَالَمِينَ][ 97])(ال عمران: 96-97 ) واته‌: به‌ڕاستى یه‌که‌م ماڵى که‌ دانراوه‌ بۆ ئاده‌میزاد وئاماده‌ کراوه‌ بۆ خواپه‌رستى کردنیان  ئه‌وه‌یه‌ که‌ له‌ مه‌ککه‌ دایه‌, پێرۆز کراوه‌, ورێنموایى و هیدایه‌تى تێدایه‌ بۆ هه‌مو جیهان ,

له‌و ماڵه‌دا چه‌ند به‌ڵگه‌ و نیشانه‌یه‌کى رون و ئاشکرا هه‌ن که‌ به‌ڵگه‌ له‌سه‌ر گه‌وره‌یى و پایه‌به‌رزى ئه‌و ماڵه‌, له‌وانه‌ شوێنى وه‌ستانه‌که‌ى پێغه‌مبه‌ر ئیبراهیم که‌ ده‌چوه‌ سه‌رى و بیناى که‌عبه‌ى ده‌کرد, جا هه‌رکه‌سێک چوبێته‌ ناوى ئه‌و ماڵه‌وه‌, ئه‌وه‌ هه‌میشه‌ دڵ ئارام بوه‌, حه‌ققى خوایه‌ له‌سه‌ر خه‌ڵکى که‌وا حه‌جى ئه‌و ماڵه‌  بکه‌ن ئه‌گه‌ر توانایان هه‌بو, و هه‌ر که‌سێکیش باوه‌ڕنه‌هێنێ ئه‌وه‌ خواى گه‌وره‌ ده‌وڵه‌مه‌نده‌ و بێنیازه‌ له‌ هه‌مو جیهان ٠
هه‌روه‌ها له‌به‌ر فه‌رموده‌که‌ى ئه‌بو هوره‌یره‌ خواى لێ رازبێت که‌وا پێغه‌مبه‌رى خوا درودى خواى له‌سه‌ر بێت: ) أيها الناس ، قد فرض عليكم الحج فحجوا فقال رجل أكل عام يا رسول الله ؟ فسكت حتى قالها ثلاثا ، فقالرسول الله صلى الله عليه وسلم : لو قلت نعم لوجبت ، ولما استطعتم ) {رواه مسلم (2 /رقم/ 1327) والنسائي (5 /110(} واته‌: ئه‌ى خه‌ڵکینه‌, به‌ڕاستى خواى گه‌وره‌ حه‌جى له‌ سه‌رتان فه‌رز کردوه‌, جا ئێوه‌ش حه‌جى ماڵى خوا بکه‌ن ٠ پیاوێک وتى هه‌مو ساڵێک ئه‌ پێغه‌مبه‌رى خوا؟ پێغه‌مبه‌رى خوا درودى خواى له‌سه‌ر بێت بێده‌نگ بو, تا کابرا سێ باره‌ى کرده‌وه‌, جا پێغه‌مبه‌رى خوا درودى خواى له‌سه‌ر بێت فه‌رموى : ئه‌گه‌ر بیڵێم  به‌ڵێ, ئه‌وه‌ له‌سه‌رتان پێویست ده‌بێت و ناشتوانن به‌جێى بێنن ٠  هه‌روه‌ها له‌به‌ر فه‌رموده‌که‌ى ترى ئه‌بو هوره‌یره‌ خواى لێ رازى بێت که‌وا پێغه‌مبه‌رى خوا درودى خواى له‌سه‌ر بێت فه‌رموى:(  العمرة إلى العمرة كفارة لما بينهما ، والحج المبرور ليس له جزاء إلا الجنة) {رواة البخاري (3 /رقم/1773) ومسلم (2/رقم/ 1349)} واته‌: عومره‌ بۆ عومره‌یه‌کى تر ده‌بێته‌ هۆى داپۆشینى تاوانه‌کانى نێوانیان , وه‌ حه‌ج کردنێکى پاک که‌تاوانى تێکه‌ڵ نه‌بوبێت پاداشته‌که‌ى ته‌نها به‌هه‌شته‌٠
هه‌روه‌ها فه‌رموده‌که‌ى ترى ئه‌بو هوره‌یره‌ خواى لێ رازبێت که‌وا پێغه‌مبه‌رى خوا درودى خواى له‌سه‌ر بێت فه‌رموى: (  ‏ ‏مَن حَجَّ لله فَلَم ‏ ‏يرَفُث ‏ ‏وَلَم يَفسُق رَجَع َكَيَوم وَلَدتهُ أُمُّهُ ){ رواه ‏البخاري (3/رقم/ 1521) ومسلم(2/رقم/ 1350)}واته‌: هه‌ر که‌سێک ته‌نها له‌به‌ر خاترى خواى گه‌وره‌ حه‌ج بکات, هیچ قسه‌یه‌کى خراپ تێدا ئه‌نجام نه‌دات, ئه‌وه‌ ئه‌و که‌سه‌ له‌ تاوانه‌کانى پاک ده‌بێته‌وه‌ وه‌کو ئه‌و رۆژه‌ى تیایدا له‌ دایک بوه‌ ٠