ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چۆن منداڵه‌که‌ت فێرى کارى ماڵه‌وه ده‌که‌یت ؟!
و / مه‌سعود محه‌مد – هه‌ڵه‌بجه
کاردانه‌وه‌ى لائیرادی دایک و باوک له‌گه‌ڵ منداڵه‌که‌یاندا، له کاتێکدا که کارى ماڵه‌وه ئه‌نجام ده‌ده‌ن، ده‌بێت به‌شێوه‌ى مامۆستا و قوتابی بێت، هه‌ر بۆیه چ کاتێ ده‌ته‌وێ هه‌ست به لێپرسراوی بکه‌یت و که‌مێک ئاگات له ده‌وروبه‌ره‌که‌ت بێت، پێویسته له‌سه‌ر دایک بۆئه‌وه‌ى منداڵه‌که‌ت رابێنیت له‌سه‌ر کارى ناوماڵ له جێگه‌ى ئه‌وه‌ى لێی تووڕه‌بیت، پێی بڵێ تا کاتێک که مێز رێک نه‌خراوه، من نان ئاماده ناکه‌م.
ناچارکردنی منداڵه‌که‌ت به کردنی ئه‌م کاره له ماڵه‌وه، ده‌نگی ناڕه‌زایه‌تى به‌رز ده‌کاته‌وه، تۆش توڕه ده‌کات، ئه‌گه‌ر بینراوه هاوکارى و یارمه‌تی زۆرێ له مندالآن له کاره‌کانى ماڵدا، داستانه زاره‌کیه‌کانى به‌دوادا دێت. شاره‌زایان بۆچوونیان وایه که ئه‌گه‌ر باوک و دایکێ یاسایه‌کیان له ماڵدا دانابێ، له‌و یاسایه‌دا دیارى بکه‌ن که چ که‌سێ چ کارێ ئه‌نجام بدات، سه‌رکه‌وتووتر ده‌بن، بۆ ئه‌وه‌یش ده‌توانن خشته‌یه‌ک بکێشن و پاشان به دیواره‌که‌دا هه‌ڵیواسن، کاتێ منداڵه‌که به باشی کاره‌که‌ى نه‌کرد، پێی نیشان بده که ده‌ره‌نجامی کارێکی نه‌کراو چییه، بۆ نموونه تا کاتێ که مێزه‌که رێکنه‌خراوه، چێشته‌که لار نه‌که‌یته‌وه. لێره‌دا هه‌ندێ سه‌ختگیرى کراوه، ته‌نانه‌ت ئه‌گه‌ر ناچار بێ شه‌وێ به سکی برسی بڕوات بۆ ته‌خته خه‌وه‌که‌ى، هه‌مان کار ئه‌نجام بدات بۆ جله پیسبووه‌کانى، هه‌رگیز به توڕه‌یی و ده‌نگی به‌رزه‌وه نه‌ڵێین جله‌کان هه‌مووی له‌سه‌ر زه‌ویه‌که کۆکه‌ره‌وه، به‌ڵکو ته‌نیا ئه‌و جلانه بشورێ که له‌ناو جلشۆره‌که‌دایه، به‌م شێوه‌یه کاتێ کچه‌که‌ت بزانێ که تیشێرته‌که‌ى نه‌شۆراوه، فێر ده‌بێ که بۆ جارێکی تر خۆى بیشوات. منداڵ کاتێ که باوک و دایکی توڕه ده‌کات، ئه‌م شێوه‌یه شێوه‌یه‌کی سروشتییه، هه‌ر له‌به‌رئه‌وه له کاتى روبه‌ڕوبوونه‌وه له‌گه‌ڵ ئاوه‌ها بارودۆخێکدا، باشتره کاردانه‌وه‌یه‌کی ساده له به‌رامبه‌ریدا نیشان بده‌یت. له‌بیرت بێت که کاردانه‌وه‌ى لائیرادیت ده‌توانێت بارودۆخه‌که ناسازگارتر بکات.