ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
دوعایه‌کانی سعید منی کوشتوه هه‌ر کاتێ که ده‌خه‌وم قاچه‌کانم ده‌گرێ (به‌شی یه‌كه‌م) چیرۆك
نووسنی / هارون نوح طه
كتێبخانه‌ی محوی
کاتێ که سعیدی کوڕی جبیریان هێنا بۆ لای حجاجی کوڕی یوسفی سه‌قه‌فی،
* حجاج ووتی: ناوت چییه؟
- سعید ووتی: ناوم سعیدی کوڕی جبیره.
* حجاج ووتی: نه‌خێر به‌ڵکو ناوت (شقی كوری كسیر) واته: پێچه‌وانه‌ی ناوی خۆی له واتا دا.
- سعید ووتی: دایکم له تۆ باشتر ده‌زانێ.
* حجاج ووتی: خۆتو دایکت لاتان داوه.
- سعید ووتی: زانستی (غيب) په‌نهان خودا ده‌زانی.
* حجاج ووتی: ئه‌م دونیایه‌ت بۆ ده‌گۆڕم به ئاگرێکی بڵێسه دار.
- سعید ووتی: ئه‌گه‌ر ده‌مزانی ئه‌م دونیایه له ژێر ده‌ستی تۆیه ئه‌وه ده‌مکردی به خودا.
* حجاج به بێ ڕێزیه‌وه ڕووی کرده سعیدو ووتی: چی ده‌ڵێی سه‌باره‌ت به محمد (درودی خوای له‌سه‌ر بێت)؟
- سعید: محمد (درودی خوای له‌سه‌ر بێت ) پێغه‌مبه‌ری ڕه‌حمه‌تو به‌ره‌که‌ته، پێشه‌وای بوونه‌وه‌ره، دروود له ئه‌و، هه‌روه‌ها نێردراوی خوای گه‌وره‌یه، بۆ هه‌موو خه‌ڵکی به تێکڕایی به ئامۆژگاریێکی جوان.
* حجاج ووتی: سه‌باره‌ت به علی کوڕی أبو گالب ده‌ڵێی چی؟ ئایا له به‌هه‌شته یان له دۆزه‌خ؟
- سعید ووتی: من چویمه به‌هه‌شتو دۆزه‌خ تاکو بزانم کێی تێدایه، ئه‌گه‌ر چوبام ده‌مزانی، به‌لآم ئه‌وه چ پرسیارێکه که له غه‌یبه‌وه داپۆشراوه به په‌رده؟
* حجاج ووتی: سه‌باره‌ت به خه‌لیفه‌کان ده‌ڵێی چی؟
- سعید ووتی: به‌من نه‌سپێردراون، هه‌موو پیاوێک به کاری خۆی په‌یوه‌سته.
* حجاج: ئایا جوێنیان پێ ده‌ده‌ی یان به چاک باسیان ده‌که‌ی؟
- سعید: ئه‌وه‌ی نه‌زانم ناڵێم، ته‌نها ئه‌وه‌نده‌ی له‌به‌رم بێ باسی ده‌که‌م.
* حجاج: کامیان به ڕای تۆ له هه‌موویان چاکتر بوون؟
- سعید: ئه‌وه‌یان که خوا زۆر لێی ڕازی بێت.
* حجاج: کامیان له هه‌موویان زیاتر خوا لێی ڕازیه؟
- سعید: ئه‌م زانسته لای که‌سێکه که دیارو په‌نهان ده‌زانێ، که خوایه.
* حجاج: پێت وایه له‌وانه کام پیاوه بم له قیامه‌ت؟
- سعید: من له‌وه بچوکترم که زانستی (غه‌یب) په‌نهان بزانم.
* حجاج: تۆ وابزانم من به ڕاستگۆ دانانێیت؟
- سعید: من پێم نه‌ووتی که درۆ ده‌که‌یت.
* حجاج: واز له‌م هه‌موو شتانه بێنه بۆ پێناکه‌نیت؟
- سعید: شتێک نابینم که پێی پێبکه‌نم، چۆن که‌سێک به تۆ پێبکه‌نی که له خۆڵه‌وه دروست بووه خۆڵه‌که‌ش ئاگر ده‌یخوات.
* حجاج: که‌واته بۆچی ئێمه پێده‌که‌نین؟