ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ته‌فسیرى سوڕه‌تى (الكوثر)....(108)
نوسینى: د.عائض عبدالله القرنى
وه‌رگێڕان: نـه‌وا محمد سعید
نوسینگه‌ى ته‌فسیر
له مه‌ککه دابه‌زیوه‌و سێ ئایه‌ته
[بِسْمِ اللهِ الرَّحْمنِ الرَّحِيمِ]
به‌ناوى خواى به‌خشنده‌ى میهره‌بان
(إِنَّا أَعْطَيْنَاكَ الْكَوْثَرَ )[الكوثر : 1]
ئه‌ى پێغه‌مبه‌رى به‌ڕێز! ئێمه له‌دنیا خێرو چاکه‌ى زۆر گه‌وره‌ى وه‌ک
سه‌رکه‌وتن و زاڵبونمان به تۆ به‌خشیوه‌و، له ڕۆژى دواییش ڕوبارى که‌وسه‌رت پێ ده‌به‌خشین، که له هه‌نگوین شیرنتره، له‌شیر سپیتره، ڕۆخه‌کانى مرواریه‌و، قوڕه‌که‌ى مسکه، به‌خشینى ئه‌م که‌وسه‌ره‌ش، ڕێزانه‌یه‌که تایبه‌ته به‌تۆ، له‌به‌ر ئه‌وه‌ى له‌لاى خوا پایه‌دارى.
(فَصَلِّ لِرَبِّكَ وَانْحَرْ )[الكوثر : 2]
مادام خودا ئه‌م هه‌مو به‌هره گه‌وره‌یه‌ى به‌تۆ به‌خشیوه، که‌واته به دڵسۆزى و ته‌نها بۆ خوا نوێژ و عیباده‌ت ئه‌نجام بده، ته‌نها بۆ ئه‌و قوربانى سه‌ربڕه، هه‌مو عیباده‌تێک، که به‌جه‌سته ئه‌نجام ده‌درێ، یان له ڕێى ماڵ و سامانه‌وه ده‌کرێ، با ته‌نها بۆ خوا بێت.
(إِنَّ شَانِئَكَ هُوَ الْأَبْتَرُ )[الكوثر : 3]
ئه‌و که‌سه‌ى تۆى خۆش ناوێ و حه‌زى به‌و حه‌ق و ڕێ ڕاستیه نایه‌ت، که تۆ هێناوته، ئه‌وا ئه‌وکه‌سه خێر بڕاوه، شوێنه‌وارى بڕاوه‌یه، بێ فه‌ڕه، سود به‌خشینى لێ داماڵراوه، به‌لآم تۆ هه‌مو فه‌ڕو چاکه‌یه‌ک له جوان باسکردن و شوێنه‌وارى باش و سود به‌خشینێک، که ده‌مێنێ و پاداشتى به‌رده‌وامه، هه‌ربۆتۆیه.