ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ته‌وبه‌ى لاوێک دواى ئه‌وه‌ى له‌خه‌ویدا ڕۆژى قیامه‌ت ده‌بینێ.....چیرۆکى ته‌وبه‌کاران
و: حسێن هه‌ڵه‌بجه‌یى
(احمد) لاوێکى تازه پێگه‌یشتووه، حه‌زو و خولیاى گه‌نجانه‌ى هه‌بوو، وه‌کو هاوته‌مه‌نه‌کانى خۆى ده‌ژیا و گوێى به‌فه‌رمانه‌کانى خواى گه‌وره نه‌ده‌دا، شه‌وێکیان ویستى خواى گه‌وره وابوو توشى خێرى بکات.. له خه‌ویدا دیمه‌نێکى بینى له‌و بێئاگاییه‌ى خه‌به‌رى کرده‌وه و هێنایه‌وه هۆش خۆى..
ئه‌و لاوه چیرۆکى خۆى ده‌گێڕێته‌وه بۆمان و ده‌ڵێت:
شه‌وێکیان ڕۆشتمه سه‌ر جێگاکه‌م تا بخه‌وم، هه‌ستم به دڵه ڕاوکآ ده‌کرد که زاڵبوو بوو به‌سه‌رمدا، منیش په‌نام گرت به‌خواى گه‌وره له شه‌یتانى ڕه‌جم کراو و خه‌وتم، له خه‌ومدا شتێکى زه‌به‌لاحم بینى که له ئاسمانه‌وه داى به‌زه‌ویدا، نه‌م ده‌زانى: ئه‌و شته نه‌ده‌زانرا چییه و، ناتوانم وه‌سفى بکه‌م، وه‌کو ته‌نێکى ئاگرینى مه‌زن وابوو، بینیم داى به‌زه‌ویدا و زانیم که به‌هیلاکا ده‌چین.. به‌سه‌رگه‌ردانیدا به‌زه‌ویدا ده‌گه‌ڕام، به‌دواى هه‌ر دروستکراوێکدا ده‌گه‌ڕام که ڕزگارم بکات له‌و مه‌ینه‌تیه... وتیان ئه‌مه سه‌ره‌تاى ڕۆژى قیامه‌ته و، ڕۆژى قیامه‌ت هات، ئه‌مه‌ش یه‌که‌مینى نیشانه‌کانیه‌تى.. زۆر ترسام.. یادى هه‌موو کرده‌وه‌کانى خۆمم کرده‌وه، کرده‌وه‌ى چاک و کرده‌وه‌ى خراپ... زۆر زۆر په‌شیمان بووم.. په‌نجه‌کانى خۆمم گه‌ست له‌سه‌ر ئه‌و کرده‌وه خراپانه‌ى که کردبووم.. له‌کاتێکدا ترس داى گرتبووم، وتم ئێستا من چى بکه‌م؟ چۆن ڕزگارم ببێت؟.. گوێم له بانگ که‌رێکه‌وه بوو ده‌یووت: ئه‌مڕۆ په‌شیمانى سوودى نیه... به کرده‌وه‌کانت پاداشتت ده‌درێته‌وه... تۆ له‌کوێبوویت له‌کاتى نوێژه‌کانتدا؟ له‌کوێ بوویت کاتآ فه‌رمانه‌کانى خوات بۆ ده‌هات؟ بۆچى وه‌لآمى فه‌رمانه‌کانى خوات نه‌ده‌دایه‌وه و دوور نه‌ده‌که‌وتیته‌وه له‌قه‌ده‌غه کراوه‌کانى؟ تۆ بێئاگابوویت له په‌روه‌ردگارت.. کاته‌کانت به‌سه‌رده‌برد له یارى و گۆرانى و ڕابواردن، ئێستاش هاتوویت و ده‌گریت.. ئێستا سزاى خۆت ده‌بینى.. بێئومێدیم زیادى کرد، کاتآ گوێم لێبوو په‌یمانى دا به‌سزادانم.. هه‌رده‌گریام و ده‌گریام به‌لآم سوودى نه‌بوو.. ئا له‌و ساته زۆر ناڕه‌حه‌ته‌دا خه‌به‌رم بوویه‌وه.. هه‌ستم به‌خۆم کرد که‌له‌سه‌ر جێگاکه‌م ڕاکشاوم.. بڕوام نه‌ده‌کرد که ئه‌مه خه‌وه ده‌یبینم، هه‌تا دڵنیا بووم له‌خۆم.. هه‌ناسه‌یه‌کى قوڵم هه‌ڵکێشا..به‌لآم هێشتا ترس به‌رى نه‌دابووم.. بیرم کرده‌وه و به‌خۆمم وت: به‌خوا ئه‌مه ئاگادارکردنه‌وه بوو له‌لایه‌ن خواوه.. و ڕۆژى حه‌شر و زیندوو بوونه‌وه هه‌رئه‌بآ ڕوو بدات.. ده‌ى که‌واته بۆچى ده‌بآ سه‌رپێچى خواى گه‌وره بکه‌م.. بۆچى واز له‌و کارانه نه‌هێنم که خواى گه‌وره قه‌ده‌غه‌ى کردوون... پرسیار گه‌لێکى زۆر به‌مێشکمدا ده‌هات و ته‌نها منیش یه‌ک وه‌لآمم شک ئه‌برد بۆیان. بگه‌ڕێره‌وه بۆلاى خوا هه‌تا ڕزگارت ببآ له‌و ڕۆژه سه‌خته..ڕۆژ بوویه‌وه و نوێژى به‌یانیم کرد.. هه‌ستم به شیرینى کرد له‌ناخ و ده‌روونمدا.. له چێشته‌نگاوى ئه‌و ڕۆژه‌دا سوارى ئۆتۆمبێله‌که‌م بووم.. ته‌ماشاى ناویم کرد پڕ بوو له کاسێتى گۆرانى.. ده‌رم هێنان و ته‌نها چه‌ند کاسێتێکى ئیسلامیم تیایاندا هێشته‌وه و ئه‌وانى ترم فڕێدا.. به‌و شێوه‌یه مامه‌وه.. هه‌موو ڕۆژآ هه‌نگاوێکم ده‌نا به‌ره‌و ڕێگاى هیدایه‌ت که داوا له‌خواى گه‌وره ده‌که‌م من و ئێوه‌ش چه‌سپاو بکات له‌سه‌رى.. ئه‌مڕۆ زۆرن ئه‌وانه‌ى به‌دنیاى ته‌واو بوو هه‌ڵخه‌ڵه‌تاون، و بێئاگان له‌و ڕۆژه مه‌ترسیداره که مرۆڤ ڕاده‌کات له براکه‌ى و دایکى و باوکى و هاوڕێى و منداڵه‌کانى [يَوْمَ يَفِرُّ الْمَرْءُ مِنْ أَخِيهِ(34)وَأُمِّهِ وَأَبِيهِ(35)وَصَاحِبَتِهِ وَبَنِيهِ(36)]عبس..ڕۆژێکه هیچ مالأ و مندالأ و سامانێک سوودى نیه مه‌گه‌ر که‌سآ به‌دڵێکى پاکه‌وه به‌ره‌و ڕووى خوا بووبێته‌وه{يَوْمَ لاَ يَنْفَعُ مَالٌ وَلاَ بَنُونَ(88)إِلاَّ مَنْ أَتَى اللَّهَ بِقَلْبٍ سَلِيمٍ(89)}نور...