ماڵپەری قورئانی پیرۆز

نوسینى: شیخ محمود المصری
و: حسێن مه‌حمود هه‌ڵه‌بجه‌یى

هه‌بوو نه‌بوو.. گوندێکى جوان هه‌بوو.. کۆمه‌ڵآ که‌سى چاک و دڵپاکى تێدا نیشته‌جێ بوو.. هه‌رکه‌س نه‌خۆش بکه‌وتایه‌ سه‌ردانیان ده‌کرد.. هه‌رکه‌س پێویستى به‌ کۆمه‌ک هه‌بوایه‌، یارمه‌تییان ده‌دا.. هه‌رکه‌س دیار نه‌بوایه‌، هه‌واڵیان ده‌پرسى و دڵنیا ده‌بوون لێى..
ڕۆژێکیان پیاوێکیان نه‌خۆش که‌وت، که‌ ناوى عه‌بدولڕه‌حمان  بوو، بۆیه‌ چل پیاویان ڕۆشتن و سه‌ردانیان کرد ـ کاتآ که‌ نه‌خۆش بوو ـ کاتێ چوون بۆلاى، ئه‌ویش زۆر دڵخۆش بوو به‌و سه‌ردانه‌. پرسیارى ته‌ندروستییان لێ کرد، پێی وتن: سوپاس بۆ خوا باشم. پاشان عه‌بدولڕه‌حمان داواى له‌ ژنه‌که‌ى کرد که‌ خواردن ئاماده‌ بکات بۆ میوانه‌کان.
ژنه‌که‌ش پێى وت: ژماره‌ى میوانه‌کان چه‌نده‌؟
عه‌بدولڕه‌حمانیش وتى: نزیکه‌ى (40) که‌س ده‌بن.
ژنه‌که‌ش وتى: ئه‌وه‌نده‌ خواردنمان نییه‌ به‌شیان بکات!

عه‌بدولڕه‌حمان وتى: هه‌رچى خواردنێکمان هه‌یه‌، ئاماده‌ى بکه‌ و پشت به‌ خوا، خواى گه‌وره‌ به‌ره‌که‌تى تێ ده‌خات.

ژنه‌که‌ش چه‌ند نانێکى هێنا.. ته‌نها هه‌ر ئه‌وه‌یان هه‌بوو..
یه‌کآ له‌ میوانه‌کان وتى: خواردنه‌که‌ که‌مه‌ و ئێمه‌ش زۆرین و منیش بیرۆکه‌یه‌کم هه‌یه‌.
وتیان: بیرۆکه‌که‌ى تۆ چییه‌؟
وتى: پێویسته‌ ڕووناکییه‌که‌ بکوژێنینه‌وه‌ و نانه‌که‌ش بکه‌ین به‌ پارچه‌ى بچوکه‌وه‌، هه‌ریه‌که‌شمان چه‌نده‌ى پێویسته‌، بیخوات، به‌بێ ئه‌وه‌ى ته‌ریق ببێته‌وه‌ له‌ براکانى ترى.
پێیان وت: به‌ڕاستى بیرۆکه‌یه‌کى جوانه‌.
بۆیه‌ نانه‌که‌یان ئاماده‌ کرد و ڕۆشناییه‌که‌یان کوژانده‌وه‌ و پاشان هه‌موویان دانیشتن تا له‌ نانه‌که‌ بخۆن.
دواى چه‌ند خوله‌کێک یه‌کێکیان وتى: له‌ نانخواردن بووینه‌وه‌، تکایه‌ رۆشناییه‌که‌ هه‌ڵکه‌ن.. ڕۆشناییه‌که‌یان هه‌ڵکرد، که‌چى شتێکى سه‌یریان بینى.
بینییان نانه‌که‌ هه‌روه‌ک خۆیه‌تى و هیچى لێ که‌م نه‌بووه‌!!
هۆکاره‌که‌ش ئه‌وه‌ بووه‌.. که‌ هه‌ریه‌که‌یان نانه‌که‌ى نه‌خواردووه‌ له‌پێناوى براکه‌یدا و فه‌زڵى براکه‌ى داوه‌ به‌سه‌ر خۆیدا، ته‌نانه‌ت تیکه‌یه‌کیشى نه‌خواردووه‌، هه‌ریه‌که‌یان پێى باش بووه‌ خۆى به‌ برسێتى بمێنێته‌وه‌ و براکه‌ى تێر ببێت.
به‌ڵآ (الإيثار) خۆنه‌ویستى له‌نێو موسڵماناندا به‌و شێوه‌یه‌..

وانه‌کانى ئه‌م چیرۆکه‌:
١. ئه‌و کۆمه‌ڵگایه‌ى ئه‌ندامه‌کانى له‌سه‌ر خۆشه‌ویستى و هۆگربوون و سۆزدارى و برایه‌تى ده‌ژین، ئه‌وه‌ به‌خته‌وه‌رترین کۆمه‌ڵگایه‌.
٢. بێگومان سه‌ردانى نه‌خۆش پاداشتى زۆره‌، ئه‌وه‌ى سه‌ردانى نه‌خۆشێک بکات، ئه‌وه‌ حه‌فتا هه‌زار فریشته‌ داواى لێخۆشبوونى بۆ ده‌که‌ن و ده‌بێته‌ خاوه‌نى باخێکى خورما له‌ به‌هه‌شتدا.
٣. خواردنى دوان به‌شى چوار ده‌کات و خواردنى چوار به‌شى هه‌شت که‌س ده‌کات.
٤. بێگومان باوه‌ڕدارى ڕاسته‌قینه‌ ئه‌و که‌سه‌یه‌ که‌ فه‌زڵى براکه‌ى ده‌دات به‌سه‌ر خۆیدا..
٥. بێگومان خۆنه‌ویستى (الإيثار) له‌نێو موسڵماناندا خۆشه‌ویستى و هۆگربوون بلآو ده‌کاته‌وه‌ له‌نێو تاکى کۆمه‌ڵگاى موسڵماندا.