ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رانى طاغوت:
عبدالرحمن نجمالدین
ئاماده‌کردنى دلاوه‌ر کوردى
تاغوتان زۆرن, به‌ڵام سه‌رانیان ئه‌م پێنجه‌ن:
یه‌که‌م: ئیبلیس(شةيتان) چونکه یه‌که‌م به‌نده‌ى یاخى و سه‌رکه‌شه و له به‌زه‌یى خواى گه‌وره بێ به‌ش کراوه و نه‌فرینى یه‌کجارى لێکراوه ,بۆیه له ده‌رفه‌ت ده‌گه‌ڕێت, تا به‌نده‌کان له خشته به‌رێت و سه‌رپێچى خواى گه‌وره‌یان بکه‌ن٠
دووه‌م: که‌سێک بپه‌رسترێت و خۆشى به‌وه ڕازى بێت: چونکه
خه‌ڵکى پێیه‌وه ده‌بن و له خوا په‌رستى ڕاسته‌قینه دور ده‌که‌ونه‌وه, له کاتێکدا ئه‌م به ئاسانى ده‌توانێت ڕێگرى خه‌ڵکى بکات له‌و په‌رستنه و ده‌ست به‌ردارى ببن , له ژیانیدا , یان له دواى مردن ٠
سێیه‌م:که‌سێک بانگى خه‌ڵکى بکات بۆ ئه‌وه‌ى بیپه‌رستن: که‌سێک کارى واى لێ بوه‌شێته‌وه, بێگومان ته‌واو شوڵى لێ هه‌ڵکێشاوه و یه‌کجار سه‌رکه‌ش و خۆى به خواى خه‌ڵکى داناوه و دوریان ده‌خاته‌وه له خوا په‌رستى, ئینجا به ده‌میه‌وه بێن . یان گوێى پێ نه‌ده‌ن هه‌ر (تاغوت)ه ٠
چواره‌م: که‌سێک لافى غه‌یبزانى لێ بدات: چونکه بانگه‌شه‌ى سیفه‌تێکى چه‌سپاوى خواى گه‌وره بۆ خۆى ده‌کات و خه‌ڵکى گومڕا ده‌کات و بیروباوه‌ڕیان ده‌شێوێنێت ٠
پێنجه‌م: که‌سێک حوکم به غه‌یرى به‌رنامه‌ى خوا بکات: ئاشکرایه له ژیانى کۆمه‌ڵگادا دو جۆر حوکمڕانى پیاده ده‌کرێت: یان حوکمى جاهیلى, یاخود حوکمى خوا, چونکه خواى گه‌وره ده‌فه‌رموێت: (أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللّهِ حُكْماً لِّقَوْمٍ يُوقِنُونَ )[المائدة : 50] واته: ئایا مه‌به‌ستیانه حوکمى جاهیلى پیاده بکه‌ن؟ باشه حوکمى کێ له هى خوا چاکتره بۆ گه‌ڵێک ئیمانیان دامه‌زراو بێت, جا که‌سێک پیاده‌ى حوکمى جاهیلى بکات له ژیانى کۆمه‌ڵایه‌تى خه‌ڵکدا, ئه‌وا گه‌لێک یاخییه و سه‌رکه‌شییه‌که‌ى ده‌گاته پله‌ى تاغوت ٠