ماڵپەری قورئانی پیرۆز

أبو علی مصری ده‌ڵێ: دراوسێیه‌کمان هه‌بوو مردوو شۆر بوو. ڕۆژێک پێم ووت: چ شتێکی زۆر سه‌یرت بینییه‌ له‌و کاته‌ی ئه‌م کاره‌ ده‌که‌یت؟ ووتی ڕۆژێک گه‌نجێکی نورانیو جوان هاته‌ لام ووتی: مردووێکمان بۆ ده‌شۆی؟ ووتم: به‌ڵێ. به‌ دوای که‌وتم منی ڕاگرت له‌ ده‌رگای ماڵی خۆی به‌ له‌سه‌رخۆیی چووه‌ ژوورێ. کچێکی ئه‌م ماڵه‌ هات هه‌ر ده‌گریا فرمێسکی ده‌سڕی له‌ چاوی ووتی: تۆ مردوو شۆره‌که‌یت؟ ووتم: به‌ڵێ. 

کچه‌که‌ ووتی: به‌ ناوی خوا وه‌ره‌ ژوورێ ولا حوڵ وَلا قوه‌َ إلاّ باللهِ العلیُّ العَڤیم. منیش چوومه‌ ژوورێ، که‌ دیتم ئه‌م گه‌نجه‌ بوو که‌ هاته‌ لام بۆ شۆردنی مردوو، خه‌ریکه‌ گیانی ده‌رده‌چێ. وه‌ کفنو پێداویستیه‌کانی له‌ لای خۆی دانا بوو. منیش دانه‌نیشتم تاکو گیانی ده‌رچوو. ووتم: سبحان الله، ئه‌وه‌ دۆستێکه‌ له‌ دۆسته‌کانی خوا چۆن زانی که‌ ده‌مرێ ئه‌وها خۆی بۆ ئاماده‌ کرد، ئینجا ده‌ستم کرد به‌ شۆردنی به‌لآم زۆر ده‌ترسام. که‌ ویستم بیشۆرم کچه‌که‌ هاتو ناو چاوانی ماچ کرد، ووتی: منیش به‌م زوانه‌ دێمه‌ لات. ئینجا ده‌رچوو، سوپاسی منی کرد. ووتی: بنێره‌ به‌ شوێن خێزانه‌که‌ت بۆم ئه‌گه‌ر ئه‌م کاره‌ وه‌کو تۆ جوان لێ ده‌زانێ. منیش سه‌رسام بووم له‌ قسه‌ی ئه‌م کچه‌، زانیم ئه‌ویش ده‌مرێت. که‌ شۆردنی ئه‌م گه‌نجه‌م ته‌واو کرد، چووم بۆ لای خێزانه‌که‌م ڕووداوه‌که‌م بۆ گێڕایه‌وه‌، بردم بۆ لای ئه‌م کچه‌. له‌ ده‌رگا ڕاوه‌ستا بوو ئیزنی وه‌رگرت. ووتی: به‌ناوی خوا خێزانه‌که‌ت دێته‌ ژوورێ. بینیم خێزانه‌که‌م هاته‌ ژوورێ. کچه‌که‌ یه‌کسه‌ر ڕووی له‌ قیبله‌ کردو گیانی ده‌رچوو. ئه‌ویش شۆردی. ئه‌ویشمان له‌ لای براکه‌ی دانا ڕه‌حمه‌تی خوایان لێ بێت