ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سوڕه‌تى (الفاتحة)
نوسینى : عه‌مر خالد
وه‌رگێڕانى : بورهان محمدامین
ئه‌ندازیار عوسمان
ئاماده‌کردنى : چێنه‌ر
له‌مه‌ککه هاتۆته خواره‌وه و ژماره‌ى ئایه‌ته‌کانیشى (7)ه و پێنجه‌م سوڕه‌ته له زنجیره‌ى هاتنه خواره‌وه‌دا.
جاده‌بێت نهێنى ئه‌م سوڕه‌ته چى بێت که‌له‌سه‌ره‌تاى قورئاندا هاتووه ؟ بۆچى به‌دایکى قورئان ناونراوه ؟ بۆچى به‌لایه‌نى که‌مه‌وه ده‌بێت ١٧جار له‌شه‌وو ڕۆژیّکدا ئیماندار له‌نویژه‌کانیدا بیخوێنێت ؟ بۆچى نوێژ به‌بێ خوێندنى دروست نیه؟
گرنگیه‌که‌ى:
پێغه‌مبه‌ر (صلى الله عليه وسلم ) به‌یه‌کێک له‌هاوه‌ڵانى فه‌رموو : وه‌ره باگرنگترین سوڕه‌تى قورئانت فێربکه‌م .. ئه‌ویش ووتى : ئه‌وه کامه‌یه ئه‌ى پێغه‌مبه‌رى خوا (صلى الله عليه وسلم )؟ ئه‌ویش سوڕه‌تى فاتیحه‌ى بۆ خوێند.
هه‌روه‌ها کاتێک که خواى گه‌وره له سوڕه‌تى (الحجر)دا باسى گه‌وره‌یی قورئان ده‌کات ده‌فه‌رموێت : (ولقد اتيناك سبعا من المثاني والقراّن العظيم ) الحجر/٨٧
واته: سوێند بێت (ئه‌ى پێغه‌مبه‌ر (صلى الله عليه وسلم ) ئێمه حه‌وت ئایه‌تمان پێ به‌خشیویت که‌بریتى یه له سوڕه‌تى فاتیحه هاوڕێ له‌گه‌ڵ قورئانى گه‌وره و مه‌زندا.
پێغه‌مبه‌ر (صلى الله عليه وسلم) فه‌رموویه‌تى : سویندم به‌وکه‌سه‌ى گیانى منى به‌ده‌سته خواى گه‌وره له ته‌وڕات و ئینجیل و زه‌بور و فورقاندا وێنه‌ى ئه‌م سوڕه‌ته‌ى ڕه‌وانه نه‌کردووه..
جاله‌به‌ر ئه‌و گرنگى و پیرۆزییه‌ى چه‌نده‌ها ناوى لێنراوه وه‌کو : ( أم القران ، السبع المثانى ، الوافية ، الكافية ) .
ئه‌م سوڕه‌ته وه‌کو نور ژیانى ئیماندار ڕووناک ده‌کاته‌وه و خێروبێرێکى خوایی یه‌و ده‌روازه‌ى ئاشوب و ناخۆشى لێ داده‌خات و ده‌رگاى خێر و خۆشى بۆ ده‌کاته‌وه ،به‌ڵام به‌داخه‌وه زۆربه‌ى موسوڵمانان وه‌کو پێویست گرنگى ئه‌م سوڕه‌ته نازانن و له‌واتا پیرۆزه‌کانى تێناگه‌ن، که‌هه‌موو واتاکانى قورئانى له‌خۆ گرتووه و هه‌موو ئامانجه‌کانى دیارى کردووه..