ماڵپەری قورئانی پیرۆز

ڕۆژێک هارون الرشید ڕووی کرده‌ ئیمامی مالیک. که‌ مالیک بچێته‌ لای بۆ ئه‌وه‌ی گوێ له‌ ووته‌کانی ڕابگرێ. ئیمامی مالیک ووتی: ده‌بێ خه‌ڵک بڕوا بۆ لای زانستو زانیاری نه‌ک زانست بۆ لای خه‌ڵک. ده‌ڵێ: هارون الرشید هه‌ڵسا چووه‌ ماڵی ئیمامی مالیک،

له‌ لای ئه‌و پاڵی دا به‌ دیواری ژووره‌که‌ی. ئیمام ووتی: ئه‌ی أمیر المۆمنین له‌ به‌ گه‌وره‌ دانی ڕێزگرتنه‌ له‌ عیلمو زانیاری، هارون هه‌ڵسایه‌وه‌ به‌ ملکه‌چی هاته‌ به‌ر ده‌ستی ئیمامی مالیک. ئینجا ناردی به‌ شوێن سوفیانی کوڕی عُێیْنه‌. سفیان یه‌کسه‌ر هاته‌ لای دانیشت به‌ ملکه‌چی. هارون ووتی: ئه‌ی مالک بۆ زانستی تۆ ملمان که‌چ کرد سودمان لێ وه‌رگرت. به‌لآم زانستی سفیان بۆ ئێمه‌ ملی که‌چ کرد هیچ سودمان لێی وه‌رنه‌گرت.

ئینجا ئیمامی مالک کتێبی (موطأ)ی ده‌خوێنده‌وه‌، هارون ویستی گوێ ڕابگرێ خه‌ڵکه‌که‌ی ده‌رکردن له‌ مه‌جلیسی خۆی به‌لآم مالک فه‌رموی: ئه‌م زانسته‌ ئه‌گه‌ر خه‌ڵکی عه‌وامی لێ قه‌ده‌غه‌ کرا سوود ناگه‌یینێ به‌ خه‌ڵکی تایبه‌ت (الخاصة) ئینجا له‌سه‌ر قسه‌ی ئیمام هارون فه‌رمانی دا که‌ خه‌ڵکه‌که‌ بێته‌وه‌ ژوورێ گوێ ڕاگرن